বিলাসীপাৰাত গাঞ্জাসহ আটক ব্যৱসায়ী

ৰাজ্যৰ বিভিন্ন স্থানত আৰক্ষীয়ে ড্ৰাগছ, গাঞ্জা আদি নিচাযুক্ত সামগ্ৰীৰ বিৰুদ্ধে অভিযান অব্যাহত ৰাখিছে ৷ এই অভিযানৰ সময়ত আৰক্ষীয়ে বহু পৰিমাণৰ নিচাযুক্ত দ্ৰব্য জব্দ কৰাৰ লগতে কেইবাজনো ব্যৱসায়ী তথা সৰবৰাহকাৰীক আটক কৰিছে ৷

বিলাসীপাৰা,29 মে’:বিলাসীপাৰা আৰক্ষীয়ে শুকুৰবাৰে নিশা অভিযান চলাই চহৰখনৰ দহ নম্বৰ ৱাৰ্ডৰ পৰা বৃহৎ পৰিমাণৰ গাঞ্জা জব্দ কৰে ৷ আৰক্ষীয়ে অভিযানৰ সময়ত এজন গাঞ্জা ব্যৱসায়ীকো আটক কৰে ৷

আৰক্ষীয়ে ৱাৰ্ডটোৰ বাসিন্দা তথা গাঞ্জা ব্যৱসায়ী হৰধন দাসৰ বাসগৃহত অভিযান চলায় ৷ আৰক্ষীয়ে হৰধন দাসৰ ঘৰৰ পৰা প্ৰায় 1 কেজি গাঞ্জা জব্দ কৰাৰ লগতে তেওঁক আটক কৰে ৷ স্থানীয় ৰাইজে এনে অপৰাধজনিত ঘটনাৰ বিৰুদ্ধে আৰক্ষীক কঠোৰ ব্যৱস্থা গ্ৰহণ কৰিবলৈ দাবী জনাইছে ৷

লগতে পঢ়ক :সাময়িক ভাৱে স্থগিত বিধায়ক ৰূপজ্যোতি কুৰ্মীৰ অনশন