ধুবুৰীত অগ্নিকাণ্ড, আহত 3

ৰন্ধন গেছৰ চিলিণ্ডাৰৰ পৰা সংঘটিত হয় এই অগ্নিকাণ্ড ৷ যাৰ ফলত বহুতো মূল্যৱান সামগ্ৰী সম্পূৰ্ণৰূপে ভস্মীভূত হোৱাৰ উপৰিও আহত হয় শিশুসহ দুজন

ধুবুৰী,7 এপ্ৰিলঃ ধুবুৰীৰ শান্তি নগৰত অগ্নিকাণ্ড ৷ অগ্নিকাণ্ডত দগ্ধ হয় শিশু সহ দুজন । শিবু ঘোষ নামৰ লোকজনৰ ৰন্ধন গেছৰ চিলিণ্ডাৰৰ পৰা সংঘটিত হয় এই অগ্নিকাণ্ড ৷ যাৰ ফলত ব্যক্তিগৰাকীৰ বহুতো মূল্যৱান সামগ্ৰী সম্পূৰ্ণৰূপে ভস্মীভূত হোৱাৰ উপৰিও আহত হয় শিশুসহ দুজন ৷ শিবু ঘোষৰ পত্নী শিবানী ঘোষে ধূপকাঠী জ্বলাই পূজা দিবলৈ লওঁতেই হঠাৎ ঘৰখনত জুইয়ে আৱৰি ধৰে । লগে লগে পৰিয়ালটোত সৃষ্টি হয় হাহাকাৰ পৰিস্থিতিৰ । ঘটনা সংঘটিত হোৱাৰ পাচতে অগ্নি নিৰ্বাপক বাহিনীক খবৰ দিয়ে ৷ অগ্নি নিৰ্বাপক বাহিনী ঘটনাস্থলীত উপস্থিত হয় ৷ আনহাতে, অগ্নিকাণ্ডত আহত হোৱা শিশু আৰু মহিলাগৰাকীক ধুবুৰী অসামৰিক চিকিৎসালয়ত লৈ ভৰ্তি কৰোৱা হয় যদিও চিকিৎসকে উন্নত চিকিৎসাৰ বাবে দুয়োকে গুৱাহাটী চিকিৎসা মহাবিদ্যালয় লৈ প্ৰেৰণ কৰে ।