ধুবুৰীত এ.আই.ইউ.ডি.এফৰ নিৰ্বাচনী প্ৰচাৰ সভা

ধুবুৰীত এ.আই.ইউ.ডি.এফে নিৰ্বাচনী প্ৰচাৰ সভা অনুষ্ঠিত কৰি মুছলমানৰ শত্ৰু বুলি আখ্যা কৰে নৰেন্দ্ৰ মোদী, হিমন্ত বিশ্ব শৰ্মাক

ধুবুৰী,13 এপ্ৰিলঃ প্ৰথম পৰ্য্যায়ৰ নিৰ্বাচনৰ পিছতে নামনি অসমৰ ধুবুৰী লোকসভা সমষ্টিত চলিছে লোকসভা নিৰ্বাচনৰ প্ৰচাৰ অভিযান । শুক্ৰবাৰে বিলাসীপাৰাত এ.আই.ইউ.ডি.এফে আয়োজন কৰে এখন নিৰ্বাচনী প্ৰচাৰ সভা । সভাত অংশগ্ৰহণ কৰে ধুবুৰীৰ বিধায়ক নজৰুল ইছলাম, দলীয় নেতা আদিত্য লাংথাছাকে আদি কৰি ধুবুৰীৰ সাংসদ বদৰুদ্দিন আজমল । সভাত উপস্থিত হৈ নৰেন্দ্ৰ মোদী, হিমন্ত বিশ্ব শৰ্মাক মুছলমানৰ শত্ৰু আখ্যা দিয়ে ৷ বিজেপি চৰকাৰে মুছলমান লোকসকলক বেয়া পায়, নামাজক -কোৰাণ আৰু মহজিদ বেয়া পায় বুলি মন্তব্য কৰে আজমলে । ইয়াৰোপৰি বিজেপি আৰু কংগ্ৰেছৰ মাজত গোপন মিত্ৰতাৰ থকা কথাও নিজ মুখে স্বীকাৰ কৰে আজমলে ।

আনহাতে, কংগ্ৰেছে জনসাধৰণক বিশ্বাসঘাতকতা কৰি আহিছে বুলি উল্লেখ কৰি তৰুণ গগৈক তীব্ৰভাৱে সমালোচনা কৰে আজমলে ৷ লগতে আবু তাহেৰ বেপাৰীক কংগ্ৰেছ ত্যাগ কৰি ইউ ডি এফ দলত যোগদান কৰিবলৈ আহ্বান জনায় । ইফালে ধুবুৰী বিধানসভা সমষ্টিৰ বিধায়ক নজৰুল ইছলামে মোমাইতকৈ ভাগিন ডাঙৰ নহয় বুলি মন্তব্য কৰি এ.আই.ডি.এফৰ জয় নিশ্চিত বুলি মন্তব্য কৰে ।