প্ৰেমৰ চলনাৰে বহিঃৰাজ্যত বিক্ৰী নৱম শ্ৰেণীৰ ছাত্ৰী

গোপন সূত্ৰৰ পম খেদি বিলাসীপাৰা আৰক্ষীয়ে ছাত্ৰীগৰাকীক উদ্ধাৰৰ বাবে অভিযান চলায় । অভিযানত  হাৰিয়ানাৰ আনন্দ নগৰৰ পৰা আৰক্ষীয়ে ছাত্ৰী গৰাকীক উদ্ধাৰ কৰিবলৈ সক্ষম হয় যদিও এতিয়ালৈ ঘটনাত জড়িত কোনো এজনক আটক কৰিবলৈ সক্ষম হোৱা নাই | এই ঘটনাত ক্ষুব্ধ হৈ পৰে সমগ্ৰ বিলাসীপাৰাৰ দল সংগঠনৰ লগতে স্থানীয় ৰাইজ ।

ধুবুৰী, ১৫জুনঃ ধুবুৰীৰ বিলাসীপাৰা আৰক্ষীয়ে হাৰিয়ানাৰ আনন্দ নগৰৰ পৰা উদ্ধাৰ কৰিলে এগৰাকী নৱম শ্ৰেণীৰ ছাত্ৰী । ছাত্ৰী গৰাকীৰ ঘৰ বিলাসীপাৰা আৰক্ষী থানাৰ অন্তৰ্গত ছুৱাপাতা চতুৰ্থ খণ্ড গাঁৱত |

কাজাইকাটা উচ্চ মাধ্যমিক বিদ্যালয়ত নৱম শ্ৰেণীত অধ্যয়নৰত ছাত্ৰী গৰাকী বিদ্যালয়লৈ যোৱাৰ পথত নিৰুদ্দেশ হয় । জানিব পৰা মতে পানবাৰী অঞ্চলৰ হাফিজুল ইছলাম নামৰ যুৱক জনে ভুৱা প্ৰেমৰ ছলনাৰে আন ৬ জনীয়া যুৱকৰ দল এটাৰ সহযোগত ফুচুলাই কোকৰাঝাৰ ৰেল আস্থানলৈ লৈ যায় | তাত ছাত্ৰী গৰাকীক শীতল পানীয়ৰ লগত নিচা জাতীয় দ্ৰব্য খুৱাই বহি:ৰাজ্য হাৰিয়ানালৈ লৈ যায় | তাত ছাত্ৰী গৰাকীক ধৰ্ষণ কৰি হাৰিয়ানাৰ আনন্দ নগৰৰ দীপক নাম লোক জনৰ ওচৰত ১ লাখ ৭০ হাজাৰ টকাত বিক্ৰী কৰে বুলি ছাত্ৰীজনীয়ে প্ৰকাশ কৰে | ঘটনাৰ পিছতে ছাত্ৰী গৰাকীৰ পৰিয়ালে বিলাসীপাৰা আৰক্ষী থানাত ঘটনা সন্দৰ্ভত এখন এজাহাৰ দাখিল কৰে |

পৰৱৰ্তী সময়ত গোপন সূত্ৰৰ পম খেদি বিলাসীপাৰা আৰক্ষীয়ে অভিযান চলায় । অভিযানত হাৰিয়ানাৰ আনন্দ নগৰৰ পৰা আৰক্ষীয়ে ছাত্ৰী গৰাকীক উদ্ধাৰ কৰিবলৈ সক্ষম হয় যদিও এতিয়ালৈ ঘটনাত জড়িত কোনো এজনক আটক কৰিবলৈ সক্ষম হোৱা নাই | এই ঘটনাক লৈ ক্ষুব্ধ হৈ পৰে সমগ্ৰ বিলাসীপাৰাৰ দল সংগঠনৰ লগতে স্থানীয় ৰাইজ লগতে অতি শীঘ্ৰে ঘটনাত জড়িত দোষীক কৰায়ত্ব কৰি কঠোৰ শাস্তি প্ৰদানৰ দাবী তুলিছে আৰক্ষীক ।

লগতে আন এটা বাতৰি- থানাৰ সন্মুখতে হোষ্টেল তথাপিও নিশা মহিলাৰ ওপৰত চলে নিৰ্যাতন !