ধেমাজিত বিজেপি চৰকাৰৰ শান্তি সমদলৰ বিৰুদ্ধে আছুৰ সংবাদমেল

ধেমাজিত চৰকাৰে নাগৰিকত্ব সংশোধনী আইনৰ বিৰুদ্ধে ৮ জানুৱাৰীত উলিয়াব শান্তি সমদল । সমদলৰ বাবে কিবা অপ্ৰীতিকৰ পৰিস্থিতি উদ্ভৱ হ'লে চৰকাৰ জগৰীয়া হ'ব বুলি মন্তব্য কৰে আছুৰ কেন্দ্ৰীয় সমিতিৰ উপসভাপতি চিত্তৰঞ্জণ বসুমতাৰীয়ে ।

ধেমাজি , 3 জানুৱাৰী : ৮ জানুৱাৰীত চৰকাৰে ধেমাজিত নাগৰিকত্ব সংশোধনী আইনৰ বিৰুদ্ধে উলিয়াব শান্তি সমদল । শুক্ৰবাৰে ধেমাজি প্ৰেছ ক্লাৱত বিজেপি চৰকাৰে শান্তি সমদল উলিওৱা কাৰ্যৰ বিৰোধিতা কৰি আছু , জাতীয়তাবাদী যুৱ ছাত্র পৰিষদ, আটাছুকে ধৰি কেইবাটাও সংগঠনে সংবাদ মেলৰ আয়েজন কৰে । নাগৰিকত্ব সংশোধনী আইনক বিৰুদ্ধে হোৱা আন্দোলনত ধেমাজিত কেতিয়াও অশান্তি সৃষ্টি হোৱা নাই বুলি সংবাদ মেলত মন্তব্য আছুৰ কেন্দ্ৰীয় সমিতিৰ উপসভাপতি চিত্তৰঞ্জণ বসুমতাৰীৰ ।

তাৰ পিছতো চৰকাৰে ধেমাজিত অহা ৮ জানুৱাৰীত শান্তি সমদল উলিয়াই সাতাম পুৰুষীয়া ঐক্যৰ মাজত বিভেদৰ বীঁজ সিঁচিবলৈ চেষ্টা কৰিছে বুলি মন্তব্য কৰে নেতাগৰাকীয়ে । ধেমাজিত হ'বলগীয়া শান্তি সমদলৰ বাবে কিবা অপ্ৰীতিকৰ পৰিস্থিতি উদ্ভৱ হ'লে চৰকাৰ জগৰীয়া হ'ব বুলিও কয় নেতাগৰাকীয়ে । সংবাদ মেলত যুৱ-ছাত্র পৰিষদৰ কেন্দ্ৰীয় কাৰ্যনিৰ্বাহক সদস্য ৰাতুল বুঢ়াগোহাঁই , টাই আহোম ছাত্র সন্থাৰ ধেমাজি জিলা সমিতিৰ সভাপতি বাবুল বৰগোঁহাই , যুৱ ছাত্ৰৰ জিলা সমিতিৰ সম্পাদক বিষ্ণু শৰ্মায়ো চৰকাৰক তীব্ৰ সমালোচনা কৰে ।

আৰু পঢ়ক :CAAৰ সন্দৰ্ভত এক ইঞ্চিও পিছুৱাই নাযায় বিজেপিঃ অমিত শ্বাহ