ধেমাজি, 1 জুলাই : যি সময়ত কৰ'ণা ভাইৰাছে সমগ্ৰ বিশ্বতে সংহাৰী ৰূপ ধাৰণ কৰিছে সেই সময়তে ধেমাজিত নদীৰ পানীত উটি আহিছে পিপিই কিট ৷ ধেমাজিত জীয়াধল নদীত উটি আহিল টোপোলাই টোপোলাই পিপিই কিট, বেজি আৰু চেলাইন ৷ ধেমাজি অসামৰিক চিকিৎসালয়ত ব্যৱহৃত সামগ্ৰীসমূহ উদ্ধাৰৰ পাচতে ধেমাজিত তীব্ৰ চাঞ্চল্যৰ সৃষ্টি হৈছে ৷
জীয়াধল নদীত উটি আহিল পিপিই কিট আৰু অন্যান্য সামগ্ৰী
টোপোলা কৰি ৰখা 30 টাতকৈও অধিক হেণ্ড গ্লভচ, বেজি, পিপিই কিট আদিকে কৰি বিভিন্ন সামগ্ৰী উটি আহে জীয়াধলৰ পানীত ৷ কোনে, ক'ত, কিয় এইসমূহ সামগ্ৰী পেলালে ইয়াক লৈ বৰ্তমান স্থানীয় ৰাইজৰ মাজত হাহাকাৰ পৰিস্থিতিৰ সৃষ্টি হৈছে ৷ প্ৰশাসনক খবৰ কৰিও কোনো সুদুত্তৰ নাপালে ৰাইজে |