Public protest at Jonai: অনিয়মীয়া বিদ্যুৎ যোগানত অতিষ্ঠ জোনাইবাসী

তীব্ৰ গৰমে দহিছে ৰাইজক। ইয়াৰ মাজতে অনিয়মীয়া বিদ্যুৎ যোগানত অতিষ্ঠ হৈছে ৰাজ্যবাসী ৷ ব্যতিক্ৰম নহয় ধেমাজি জিলাৰ জোনাই মহকুমা (People fed up with irregular power supply in Jonai)। অতি শীঘ্ৰে বিদ্যুৎ সেৱা নিয়মীয়া কৰিবলৈ জোনাই বিদ্যুৎ বিভাগক দাবী জনাইছে ৰাইজে ।

জোনাই,12 জুলাই: তীব্ৰ গৰমে দহিছে ৰাইজক । ইয়াৰ মাজতে অনিয়মীয়া বিদ্যুৎ যোগানত অতিষ্ঠ হৈছে ৰাজ্যবাসী (Irregular power supply in Assam)৷ ব্যতিক্ৰম নহয় ধেমাজি জিলাৰ জোনাই মহকুমা (public protest against irregular power supply in Jonai)। ৰাইজৰ অভিযোগ অনুসৰি দিনটোৰ অধিকাংশ সময়েই বিদ্যুতৰ যোগান নাথাকে জোনাই মহকুমাত । উৎকট গৰমৰ মাজতো বিদ্যুৎ অবিহনেই দিন-ৰাতি কটাবলগীয়া হৈছে জোনাইবাসীয়ে ৷ ফলত অতিষ্ঠ হৈ পৰিছে সাধাৰণ ৰাইজ ৷ অনিমীয়া বিদ্যুৎ যোগানৰ ফলত ছাত্ৰ ছাত্ৰী, বিভিন্ন কাৰ্যালয়ৰ কাম কাজৰ লগতে বেপাৰ বাণিজ্য বন্ধ হোৱাৰ অভিযোগ তুলিছে জোনাইবাসী ৰাইজে।

বিগত কেইবাদিনো ধৰি সমগ্ৰ জোনাই মহকুমাতে হৈ থকা বিদ্যুতৰ লুকাভাকুৱে যমৰ যাতনা ভোগাই আহিছে । বিগত এসপ্তাহ ধৰি ৩ নং মূৰ্কচেলেক অঞ্চলটোত নাই বিদ্যুৎ সেৱা ৷ উৎকট গৰমত অতিষ্ঠ হৈ ৩ নং মূৰ্কংচেলেকৰ শতাধিক জনতাই সোমবাৰে সন্ধিয়া জোনাই বিদ্যুৎ বিভাগৰ পাৱাৰ হাউছত ধৰ্ণা কাৰ্যসূচী ৰূপায়ণ কৰে । ৰাইজে অতি শীঘ্ৰে ৩ নং মূৰ্কংচেলেক অঞ্চলটোত বিদ্যুৎ ব্যৱস্থা আৰু জোনাই মহকুমাটোত বিদ্যুৎ সেৱা নিয়মীয়া কৰিবলৈ জোনাই বিদ্যুৎ বিভাগক দাবী জনাইছে ।

লগতে পঢ়ক:Cyber crime in Barpeta : বৰপেটাৰ উপায়ুক্তৰ নামত দুষ্টচক্ৰৰ উপহাৰ দাবী