‘মহা পবা মাৰাথান’ৰ আনুষ্ঠানিক শুভাৰম্ভ

পোন্ধৰ নং ৰাষ্ট্ৰীয় ঘাইপথত জোনাই মহকুমা ছাত্ৰ সন্থাই ৰোপণ কৰিব 1 হাজাৰ গছপুলি ৷

জোনাই 3 জুন :- জোনাই মহকুমা ছাত্র সন্থাই বিগত বছৰৰ দৰে পাঁচ জুন বিশ্ব পৰিৱেশ দিৱসৰ লগত সংগতি ৰাখি আয়োজন কৰা "মহা পবা মাৰাথান দৌৰ" অনুষ্ঠানৰ প্ৰাৰম্ভিক কাৰ্যসূচী দেওবাৰে আৰম্ভ কৰে বিশাল চাইকেল ৰেলীৰে । ধেমাজি জিলাৰ একমাত্ৰ বৰ্ষাৰণ্য পবা বনাঞ্চলখনক ৰাষ্ট্ৰীয় বন্যপ্ৰাণীৰ সংৰক্ষিত বনাঞ্চল হিচাপে গঢ় দিয়াৰ বাবে জনসাধাৰণৰ মাজত সজাগতা অনাৰ উদেশ্যৰে ছাত্ৰ সংগঠনটোৰে দেওবাৰে এক বিশাল চাইকেল ৰেলী বাহিৰ কৰে । মহকুমাটোৰ লাইমেকুৰী উচ্চতৰ মাধ্যমিক বিদ্যালয়ৰ বিষয় শিক্ষাক তুষেশ্বৰ মিৰি আগৰৱালাই উদ্বোধন কৰা চাইকেল ৰেলী জোনাইৰ ৰাংকপ তিনিআলিৰ পৰা আছুৰ উপ-সভাপতি চিত্ৰৰঞ্জন বসুমতাৰী, জোনাই মহকুমা অতিৰিক্ত আয়ুক্ত প্ৰতিম দাস , জোনাইৰ জয়ন্ত টায়েৰ নেতৃত্বত ৰতনপুৰ পাদিগাঁও হৈ জোনাইৰ তিনিমাইল ঘাটৰ পৰা ঘূৰি আহি বাহিৰ চিলে ৰিগবি জেলেম ৰুকচিন হৈ জোনাইৰ উচ্চতৰ মাধ্যমিক বিদ্যালয়ৰ খেল পথাৰত সামৰণি পৰে । ইপিনে পাঁচ জুন বিশ্ব পৰিৱেশ দিৱসৰ দিনা মহা পবা মাৰাথান দৌৰৰ অনুষ্ঠাটোৰ বাবে ব্যাপক প্ৰস্তুতি চলাইছে জোনাই মহকুমা ছাত্ৰ সন্থাই । বিশ্ব পৰিবেশ দিৱস উপলক্ষে ছাত্ৰ সংগঠনটোৱে এক হাজাৰ গছপুলি পোন্ধৰ নং ৰাষ্ট্ৰীয় ঘাই পথৰ পৰা শিলিখাগুৰি হৈ ৰায়েং সৈন্য বাহিনী চাউনী পথছোৱাৰ দুয়োকাষেৰে ৰোপণ কৰাৰ সংকল্প লৈছে ।‘