জোনাই প্ৰেছ ক্লাবৰ স্থায়ী গৃহৰ আধাৰশিলা স্থাপন

জোনাই সমষ্টিৰ বিধায়ক ভুৱন পেগুৱে জোনাই প্ৰেছ ক্লাবৰ গৃহ নিৰ্মাণৰ বাবে 9 লাখ 50 হেজাৰ টকা অনুদান আগবঢ়াইছে ।

জোনাই, 25 আগষ্ট : ধেমাজি জিলাৰ জোনাই প্ৰেছ ক্লাবৰ স্থায়ী গৃহ নিৰ্মাণৰ কাম দেওবাৰে আৰম্ভ কৰা হয় । জোনাই সমষ্টিৰ বিধায়ক ভুৱন পেগুৱে ফিটা কাটি আনুষ্ঠানিকভাৱে আৰম্ভ কৰে গৃহ নিৰ্মাণৰ কাম । বিধায়ক ভুৱন পেগুৱে তেওঁৰ স্থানীয় এলেকা উন্নয়ন পুঁজি শিতানৰ পৰা জোনাই প্ৰেছ ক্লাবৰ নিৰ্মাণৰ বাবে 9 লাখ 50 হেজাৰ টকা অনুদান আগবঢ়ায় । জোনাই মহকুমাধিপতি কাৰ্যালয়ৰ সমীপত প্ৰেছ ক্লাৱৰ গৃহ নিৰ্মাণৰ আঁচনি লোৱা হৈছে । প্ৰেছ ক্লাৱ গৃহ নিৰ্মাণ মুকলি অনুষ্ঠানত ধেমাজি জিলা পৰিষদৰ জোনাই পৰিষদীয় সমষ্টিৰ সদস্য অতুল পেগু, মিচিং স্বায়ত্ত শাসিত পৰিষদৰ সদস্য ববীকান্ত পেগু, প্ৰতাপ টায়ে আৰু জোনাই প্ৰেছ ক্লাবৰ সদস্যসকল উপস্থিত থাকে ।