জোনাইত চিয়াং নদীৰ ভয়ংকৰ খহনীয়াঃ শংকিত ৰাইজ

জোনাইৰ বেৰা চাপৰিত অব্যাহত আছে চিয়াং নদীৰ ভয়ংকৰ খহনীয়া ৷ বেৰাচাপৰিৰ মথাউৰিটো খহাই নিলে চিয়াং নদীৰ বুকুত বুৰ যাব ২০ খনৰো অধিক গাঁও ৷

জোনাই,25জুলাইঃ ধেমাজিৰ জোনাইত বানৰ সমান্তৰালকৈ অব্যাহত আছে চিয়াং নদীৰ ভয়ংকৰ খহনীয়া | জোনাইৰ বেৰা চাপৰিত এসপ্তাহৰ ভিতৰতে চিয়াং নদীৰ খহনীয়াই বহুলোকৰ ঘৰ-বাৰী খহাই নিয়াৰ পাছতে এইবাৰ চিয়াং নদীৰ ভয়ংকৰ খহনীয়াই যিকোনো মুহূৰ্ততে খহাই নিয়াৰ পথত মথাউৰি | উল্লেখ্য যে বেৰাচাপৰিৰ মথাউৰিটো খহাই নিলে চিয়াং নদীৰ বুকুত যাহ যাব অঞ্চলটোৰ একমাত্ৰ শিক্ষানুষ্ঠান বেৰা মিলন হাইস্কুলখন | ইয়াৰোপৰি ২০ খনৰো অধিক গাঁও বুৰ যাব পানীৰ তলত | যাৰ বাবে অঞ্চলটোৰ ৰাইজে গৰাখহনীয়া প্ৰতিৰোধৰ চেষ্টা অব্যাহত ৰাখিছে যদিও শংকিত হৈ নিৰাপদ স্থানলৈ ঢাপলি মেলিছে ৷