ধেমাজি, 20 আগষ্ট: শেহতীয়াকৈ পুনৰ বিজেপিলৈ সোঁত বৈছে কংগ্ৰেছী নেতা-পালিনেতাৰ । প্ৰাক্তন সাংসদ ভূৱনেশ্বৰ কলিতা, শান্তিয়াজ কুজুৰ আৰু বৰাকৰ কংগ্ৰেছী নেতা গৌতম ৰয়কে ধৰি বহুকেইজনে গেৰুৱা দলত যোগদান কৰাৰ পিছত সোমবাৰে ধেমাজিতো কংগ্ৰেছ এৰি বিজেপি দলত যোগদান কৰে প্ৰাক্তন ধেমাজি জিলা কংগ্ৰেছৰ সভাপতি ঋসভ গগৈ সহ ধেমাজি আঞ্চলিক পঞ্চায়তৰ সভানেত্ৰী আৰু কেইবাটাও পঞ্চায়তৰ কংগ্ৰেছ দলৰ শতাধিক কংগ্ৰেছৰ পালিনেতা আৰু কৰ্মীয়ে । এনে কাৰ্যত প্ৰতিক্ৰিয়া প্ৰকাশ কৰি ধেমাজি জিলা কংগ্ৰেছে জিলা সভাপতি নিতু বৰগোঁহাইয়ে কয় যে, জিলা কংগ্ৰেছৰ প্ৰাক্তন সভাপতি গৰাকী কংগ্ৰেছৰ আৱৰ্জনা আছিল । সেয়েহে এতিয়া দল ত্যাগ কৰাৰ বাবে আনন্দিত হৈছে ধেমাজিৰ কংগ্ৰেছ কৰ্মীসকল ।
ধেমাজি কংগ্ৰেছৰ প্ৰাক্তন জিলা সভাপতি সদ্য দলত্যাগী ঋষভ গগৈ কংগ্ৰেছৰ আৱৰ্জনা