ধেমাজি, 15 ফেব্ৰুৱাৰী :ধেমাজি বিদ্যুত উপসংমণ্ডলৰ অধীনৰ দৰিদ্ৰ সীমাৰেখা তলৰ পঞ্চাশ গৰাকীকৈ উপভোক্তাই বিভাগটোৰ বিৰুদ্ধে আনিছে এক গুৰুতৰ অভিযোগ ৷ উপভোক্তাসকলৰ প্ৰতিগৰাকীয়ে নিয়মীয়াকৈ বিদ্যুত মাচুল পৰিশোধ কৰি আহিছে যদিও চলিত ফ্ৰেব্ৰুৱাৰী মাহত পৰিশোধ কৰিবলগীয়া বিদ্যুত মাচুল অত্যাধিক হাৰত মাচুল বিভাগে প্ৰেৰণ কৰাৰ অভিযোগ উত্থাপন হৈছে ৷
একোগৰাকী উপভোক্তালৈ এহাজাৰ পৰা বিশ হাজাৰ টকা পৰ্যন্ত বিল প্ৰেৰণ কৰা হৈছে ধেমাজি বিদ্যুত উপসংমণ্ডলৰ কাৰ্যালয়ৰ পৰা ৷ যাৰ পৰিপ্ৰেক্ষিতত বিভাগটোৰ বিৰুদ্ধে জাঙুৰ খাই উঠিছে উপভোক্তাসকল ৷
ধেমাজিত অত্যাধিক বিদ্যুৎ মাচুলক লৈ ক্ষোভিত অৰ্ধশতাধিক উপভোক্তা
সোমবাৰে বিভাগটোৰ উপ সংমণ্ডল বিষয়াৰ কাৰ্যালয়ত উচিত ন্যায় বিচাৰি উপভোক্তাসকলে বিভাগীয় কৰ্তৃপক্ষক সাক্ষাৎ কৰে যদিও বিষয়া গৰাকীয়ে ইয়াৰ কোনো সমাধান নিদিয়াৰ বিপৰীতে উপভোক্তাসকললৈ প্ৰেৰণ কৰা বিল সমূহ আদায় দিবলৈহে কয় ৷