চিলাপথাৰত CCTV আবদ্ধ বিজেপিৰ ৱাৰ্ড কমিচনাৰৰ অতপালি!

ভেন চালকে গাড়ী ওভতাই যাবলৈ উদ্যত হোৱা সময়তে বিপৰীত পৰা আগভেটী ধৰিলে ভদ্ৰ মহিলাৰ আত্মীয়ই। ইয়াৰ পিছতে চালকৰ ওপৰত চলিল উপৰ্যুপৰি চৰ ভুকু

জোনাই ২০ চেপ্তেম্বৰ, চিলাপথাৰত এটা CCTV'ৰ দৃশ্যই ব্যাপক চৰ্চা লাভ কৰিছে। এখন চুইফট বাহনে আন এখন মাৰুতি ভেনক অতিক্ৰম কৰিবলৈ গৈ সামান্য ঘঁহনি খায় । নিজে অতিক্ৰম কৰি আনৰ বাহন ক্ষতি কৰা ভদ্ৰ মহিলাই ক্ষুন্ন হৈ বাহনৰ পৰা নামি তৰ্জন গৰ্জন কৰি বাটৰ শিল উঠাই প্ৰহাৰ কৰে ভেনৰ চালকক। তাৰোপৰি,ভেন চালকে গাড়ী ওভতাই যাবলৈ উদ্যত হোৱাৰ সময়তে বিপৰীত দিশৰ পৰা আগভেটী ধৰিলে ভদ্ৰ মহিলাৰ আত্মীয়ই । ইয়াৰ পিছতে চালকৰ ওপৰত চলিল উপৰ্যুপৰি চৰ ভুকু। বৃহস্পতিবাৰে সংঘটিত ঘটনাৰ ভিডিঅ' ক্লীপছ চিনাক্ত হোৱা ভদ্ৰ মহিলা গৰাকী হ'ল চিলাপথাৰ পৌৰসভাৰ বিজেপিৰ ৱাৰ্ড কমিচনাৰ তথা চিলাপথাৰ ডনবস্ক স্কুলৰ কৰ্মচাৰী জেনিফাৰ ফুকন। প্ৰহৃত স্কুল ভেনখনৰ চালক হ'ল চিলাপথাৰৰ বিজু ফুকন ।

আনহাতে,ক্ষোভিত মহিলাই ইয়াতেই ক্ষান্ত নাথাকি দাখিল কৰে এখন এজাহাৰ ৷ এজাহাৰৰ ভিত্তিতে আৰক্ষীয়ে আটক কৰে ভেনৰ চালকজনক ৷ এই ঘটনাকলৈ চালক বিজু ফুকনেও আৰক্ষীক গোচৰ দিয়ে যদিও আৰক্ষীয়ে চালকজনৰ এজাহাৰ গ্ৰহণ নকৰাৰ অভিযোগ । যাক লৈ আৰক্ষীৰ বিৰুদ্ধে অভিযোগ তুলি বৃহস্পতিবাৰে সন্ধিয়া উপস্থিত হয় বহু লোক ৷