ধেমাজি, 15 জুলাই : মহামাৰী কৰ'ণা ভাইৰাছৰ বাবে সমগ্ৰ দেশত প্ৰযোজ্য হৈছে লক ডাউন ৷ লক ডাউনৰ সময়ত কেবলমাত্ৰ অত্য়াবশ্যকীয় সামগ্ৰী সমূহৰ দোকান খোলাৰ অনুমতি প্ৰদান কৰিছিল প্ৰশাসনে ৷ কিন্তু এই লক ডাউনৰ সময়ত একাংশ অসাধু ব্যবসায়ীয়ে অবৈধ ব্যৱসায় চলাই থকা পৰিলক্ষিত হৈছে ৷ ৰাজ্যৰ বিভিন্ন প্ৰান্তৰ এই সকল অসাধু ব্যবসায়ীসকলক চৰকাৰে কঠোৰভাবে সকীয়নি দিয়াৰ পিচতো অসাধু ব্যৱসায়ীয়ে চলাই গৈছে ৰমৰমীয়া বেহা ৷
লক্ ডাউনৰ সুযোগ গ্ৰহণ কৰি ধেমাজিত অসাধু ব্যবসায়ীৰ অবৈধ বেহা
ধেমাজি জিলাতো অসাধু ব্যৱসায়ীয়ে লক ডাউনৰ সুযোগ গ্ৰহণ কৰি গুটখা জাতীয় সামগ্ৰীৰ ৰমৰমীয়া বেহা চলাই থকা পৰিলক্ষিত হৈছে ৷ জিলাখনৰ সদৰকে ধৰি চিলাপথাৰ,গোগামুখ,জোনাইত ব্যাপকভাৱে প্ৰচলন হৈ আছে বিভিন্ন ধৰণৰ ধঁপাত জাতীয় সামগ্ৰীৰ বেহা ৷ জিলা প্ৰশাসনৰ ফালৰ পৰা কঠোৰ নিৰ্দেশ দিয়াৰ পিচতো একাংশ অসাধু ব্যবসায়ীয়ে চলাই গৈছে এই অবৈধ বেহা ৷