জোনাই ১৮ নৱেম্বৰ : জোনাই মহকুমাধিপতি আৰু নিৰ্বাচনী বিষয়াই বুধবাৰে জোনাই সমষ্টিৰ ভোটগ্ৰহণ কেন্দ্ৰসমূহৰ খচৰা ভোটাৰ তালিকা-২০২১ প্ৰকাশ কৰে ৷
এই উদ্দেশ্যে মহকুমাধিপতিৰ সভাকক্ষত বিভিন্ন ৰাজনৈতিক দলৰ নেতা কৰ্মী সৈতে সভা অনুষ্ঠিত কৰে মহকুমাধিপতি জিমলি শইকীয়া কাকতিয়ে ৷ তেওঁ সদৰি কৰা মতে ১১৪ নং জোনাই বিধান সভা সমষ্টিত ১,৫৩,৫৫৬ গৰাকী পুৰুষ আৰু ১,৪৭,৬৩৫ গৰাকী মহিলা ভোটাৰসহ মুঠ ৩,০১,১৯১ গৰাকী ভোটাৰৰ নাম খচৰাত অন্তৰ্ভুক্ত হৈছে ৷
ক’ভিড -১৯ ৰ প্ৰতি লক্ষ্য ৰাখি এইবেলি মহকুমাটোত এক হাজাৰতকৈ অধিক ভোটাৰ থকা ভোট কেন্দ্ৰ সমূহক বিভক্ত কৰা হ’ব ৷ তদুপৰি মহকুমাটোত নতুন দুটা ভোট কেন্দ্ৰ সংযোগ কৰি মুঠ ৩৫২ টা ভোট কেন্দ্ৰ কৰা হৈছে ৷ নিৰ্বাচনী বিষয়া গায়ত্ৰী পাটিৰ আৰু মহকুমাধিপতিৰ উপস্থিত থকা সভাত জোনাই সমষ্টিত ১২৭৫ গৰাকী মহিলা আৰু ১৫৩৩ গৰাকী পুৰুষসহ মুঠ ২৮০৮ গৰাকী ডি-ভোটাৰ থকা বুলি জনাইছে নিৰ্বাচনী বিষয়াই ৷