ভাৰত মাতা মন্দিৰ : অবিভক্ত ভাৰতক পূজা কৰা একমাত্ৰ মন্দিৰ
স্বাধীনতা সংগ্ৰামীসকলৰ দৰে, ভাৰতৰ স্বাধীনতা আন্দোলন শক্তিশালী কৰাত কেইবাটাও স্মাৰকে গুৰুত্বপূৰ্ণ ভূমিকা পালন কৰিছিল । এনে এক অনন্য স্মাৰক হৈছে ভাৰত মাতা মন্দিৰ । য'ত অবিভক্ত ভাৰতৰ এক মাৰ্বলৰ মানচিত্ৰ আছে, য'ত স্বাধীনতা আন্দোলনৰ নেতাসকলে সভা আহ্বান কৰিছিল । য'ত আফগানিস্তান, বেলুচিস্তান, পাকিস্তান, বাংলাদেশ, বাৰ্মা আৰু সিংঘল (বৰ্তমান শ্ৰীলংকা)ক একেখন মানচিত্ৰত সামৰি লোৱা হৈছে । চাও আহক সন্দৰ্ভত ইটিভি ভাৰতৰ সংবাদদাতা গোপাল মিশ্ৰাৰ এক প্ৰতিবেদন ।
IPL 2021 : চতুৰ্থবাৰলৈ ট্ৰফী দখল চেন্নাই চুপাৰ কিংছৰ
শুকুৰবাৰে অনুষ্ঠিত হৈ যায় 2021 বৰ্ষৰ IPL ৰ ফাইনেল মেচ ৷ কলকাতা আৰু চেন্নাইৰ মাজত অনুষ্ঠিত মেচখনত কলকাতাক 27 ৰাণত পৰাস্ত কৰি চতুৰ্থবাৰলৈ IPL ৰ বিজয়ীৰ সন্মান লাভ কৰে চেন্নাইয়ে ৷
পুত্ৰ-কন্যাক বিহ পান কৰোৱাই চিপ ল’লে মাতৃয়ে
কৰিমগঞ্জৰ গাংপাৰ ধলছৰা গাঁৱত চাঞ্চল্যকৰ ঘটনা । দুই সন্তানক বিহ পান কৰাই আত্মঘাতী হৈছে এগৰাকী মাতৃ । মাতৃ আৰু পুত্ৰ কন্যা সহ মৃত্যু হৈছে তিনজন লোকৰ । পুত্ৰ-কন্যাক প্ৰথমে বিহ পান কৰাইছিল মহিলাগৰাকীয়ে ৷ ইয়াৰ পিছতে তেওঁ চিপ লৈ আত্মঘাতী হয় । শুকুৰবাৰে পুৱাৰ ভাগত পোহৰলৈ আহে এই সমগ্ৰ ঘটনা । কি কাৰণে এগৰাকী মাতৃয়ে এই ঘটনা সংঘটিত কৰিলে সেয়া এতিয়াও ৰহস্যৰ আৱৰ্তত ।
কাৰাবন্দী হাচিবুলৰ মৃত্যু প্ৰকৃততে আত্মহত্যা আছিল নে ?
জনীয়াৰ ডাউকমাৰীত হাচিবুল ইছলামৰ বৰপেটাৰ জেলত আত্মহত্যা । পৰিয়ালৰ লোকৰ মতে এয়া আত্মহত্যা নহয় এক পৰিকল্পিত হত্যাকাণ্ড । গভীৰ ষড়যন্ত্ৰ কৰি হত্যা কৰা হৈছিল নেকি হাচিবুলক !
পাণ্ডু ঘাটৰ বিসৰ্জনথলীত মুখ্যমন্ত্ৰী : শনিবাৰেও চলিব বিসৰ্জন পৰ্ব
গুৱাহাটী মহানগৰীৰ প্ৰায় পাঁচ শতাধিক পূজা মণ্ডপৰ বিসৰ্জন প্ৰক্ৰিয়া শুকুৰবাৰে নিশা পৰ্যন্ত অব্যাহত আছে । সম্পূৰ্ণ ক'ভিড বিধি মানি জিলা প্ৰশাসনে বান্ধি দিয়া নিয়ম নীতি অনুসৰি মহানগৰীৰ পাণ্ডু ঘাট আৰু ফাঁচী বজাৰৰ কাছমাৰী ঘাটকে ধৰি মুঠ ছটাকৈ ঘাটত এই বিসৰ্জন প্ৰক্ৰিয়া অনুষ্ঠিত হয় । আনহাতে, নিশা পাণ্ডু ঘাটৰ বিসৰ্জনথলীত উপস্থিত হয় মুখ্যমন্ত্ৰী ড৹ হিমন্তবিশ্ব শৰ্মা । প্ৰায় এঘন্টাজুৰি তেওঁ ঘাটত উপস্থিত থাকি বিসৰ্জন প্ৰক্ৰিয়া উপভোগ কৰাৰ লগতে আয়োজক সকলৰ সৈতেও বিভিন্ন বাৰ্তালাপত মিলিত হয় । উল্লেখযোগ্য যে, শুকুৰবাৰে দিনৰ ১১ বজাৰ পৰা গুৱাহাটী মহানগৰীত দেৱী বিসৰ্জনৰ কাৰ্যসূচী আৰম্ভ হৈছে । জিলা প্ৰশাসনে পাণ্ডু আৰু কাছমাৰী ঘাটকে ধৰি গুৱাহাটীত সৰ্বমুঠ ছটাকৈ ঘাট বিসৰ্জনৰ বাবে নিৰ্দিষ্ট কৰি দিছে । ইয়াৰে পাণ্ডু ঘাটৰ বাহিৰে বাকী পাচোটা ঘাটতে নিশা ১১ বজালৈকে বিসৰ্জনৰ সময় নিৰ্দ্ধাৰণ কৰি দিছে প্ৰশাসনে । কিন্তু পাণ্ডু ঘাটত দুদিনীয়াকৈ চলিব বিসৰ্জনৰ কাৰ্যসূচী । শনিবাৰেও বিভিন্ন পূজা কমিটিয়ে পাণ্ডু ঘাটত বিসৰ্জন পৰ্ব সম্পন্ন কৰিব পাৰিব ।