নামভৰ্তিৰ পৰা বঞ্চিত শিক্ষাৰ্থীৰ প্ৰতিবাদ

দলগাঁৱস্থিত খাৰুপেটীয়া মহাবিদ্যালয়ৰ প্ৰৱেশদ্বাৰ প্ৰতিবাদেৰে উত্তাল কৰি তোলে একাংশ প্ৰতিবাদকাৰীয়ে ৷ বহু শিক্ষাৰ্থীক নামভৰ্তিৰ পৰা বঞ্চিত কৰাৰ বাবেই এইদৰে প্ৰতিবাদ সাব্যস্ত কৰে একাংশ দল-সংগঠনে ৷

দলগাঁও, 22 জুনঃ শিক্ষাৰ্থীৰ উত্তাল প্ৰতিবাদত বন্ধ হৈ পৰে খাৰুপেটীয়া মহাবিদ্যালয়ৰ প্ৰৱেশদ্বাৰ ৷ একাংশ শিক্ষাৰ্থীক নামভৰ্তিৰ পৰা বঞ্চিত কৰাৰ প্ৰতিবাদত এইদৰে প্ৰতিবাদ সাব্যস্ত কৰে বিভিন্ন দল-সংগঠনে ৷

উল্লেখ্য যে, স্নাতক মহলাত নামভৰ্তিৰ বাবে 1419খন প্ৰ-পত্ৰ বিতৰণ কৰিছিল যদিও পৰৱৰ্তী সময়ত আঠশগৰাকী শিক্ষাৰ্থীৰ নামভৰ্তি হ'ব বুলি ঘোষণা কৰে ৷ ফলত ক্ষুদ্ধ হৈ পৰে একাংশ শিক্ষাৰ্থীৰ লগতে শিক্ষাৰ্থীসকলৰ অভিভাৱক ৷ ইয়াৰ প্ৰতিবাদতে এইদৰে মহাবিদ্যালয়খনৰ মুল প্ৰৱেশদ্বাৰত প্ৰতিবাদ সাব্যস্ত কৰে বঞ্চিত শিক্ষাৰ্থীসকলে ৷ উল্লেখ্য যে, বিগতো বৰ্ষটো মহাবিদ্যালয়খনৰ স্নাতক শাখাত নামভৰ্তিৰ পৰা বঞ্চিত হৈছিল প্ৰায় ছশ শিক্ষাৰ্থী ৷