দৰঙত গঁড় চিকাৰীক আটক

ধৃত চিকাৰীটোৰ পৰা ৩০৩ ৰাইফল, ৮ জাই সজীৱ গুলী,ম'বাইল আৰু কুঠাৰ উদ্ধাৰ

দৰং,২৬ফেব্ৰুৱাৰী: দৰং আৰক্ষীৰ বিশেষ সফলতা।মঙলবাৰে দৰঙৰশিলবড়ি থানাৰ অন্তৰ্গত বেচিমাৰিৰ পৰা এটা গড় চিকাৰীক আটক কৰে আৰক্ষীয়ে। আটকাধীন চোৰাং চিকাৰীটোৰনাম চ'লা গুইটে ।

ইপিনে ধৃত গুইটৰ ঘৰ মণিপুৰৰ সুৰাচানপুৰত। গুইটেৰ পৰা এটা 303 ৰাইফল আৰু ৮ জাই সজীৱ গুলি এটা মোবাইলৰ লগতে এখন কুঠাৰ উদ্ধাৰ কৰে । পূৰ্বে বহু কেইটা গঁড় হত্যাৰ লগত জড়িত আছিল গুইটে।

উল্লেখ্য যে গোসিং নামৰ চোৰাং চিকাৰী এজনে গুইটেক ওৰাং ৰাষ্ট্ৰীয় উদ্যানত গঁড় চিকাৰৰ বাবে পঠিয়াইছিল। গুইতেৰ লগত থকা আন২ জন সহযোগীয়ে অৱশ্যে পলায়ন কৰিবলৈ সক্ষম হয়।