মঙলদৈত উদ্ধাৰ অচিনাক্ত মৃতদেহ

হত্যা কৰি পেলাই যোৱাৰ সন্দেহ স্থানীয় লোকৰ

মঙলদৈ, ৩ মাৰ্চঃদেওবাৰে মঙলদৈ চহৰৰ গান্ধী পাৰ্কৰ সন্মুখত উদ্ধাৰ হয় এজন যুৱকৰ মৃতদেহ । পাৰ্ক খনৰ কাষেৰে বৈ যোৱা নদীৰ পানীত ওপঙি থকা অৱস্থাত মৃতদেহটো প্ৰত্যক্ষ কৰে পথচাৰীয়ে । জানিব পৰা মতে,মৃতদেহটো কলাইগাঁওৰ ছহিদূল ইছলাম বুলি চিনাক্ত কৰা হৈছে ।চাৰি দিন ধৰি নোখোজ হৈ আছিল লোকজন ।পৰিয়ালৰ অভিযোগ আৰক্ষীৰ বাবেই মৃত্যুক সাৱতিব লগা হৈছে লোকজন । উল্লেখ্য যে, আৰক্ষীয়ে জুৱাৰ ঘাটি উৎখাত কৰিবলৈ যাওঁতেই ঘাটিৰ পৰা পলায়ন কৰিছিল ছহিদুলে । আৰক্ষীক জনোৱাৰ পিছতো গুৰুত্ব নিদিয়াৰ অভিযোগপৰিয়ালৰ । আনকি থানাত আৰক্ষী বিষয়াই এজেহাৰ ফালি পেলোৱাৰ অভিযোগ তুলিছে পৰিয়ালৰ লোকে । এই ঘটনা পিচত উত্তপ্ত পৰিস্থিতি অঞ্চলটোত ।