fire breaks out in Mangaldai : মঙলদৈৰ বাঘপৰিত ভয়ংকৰ অগ্নিকাণ্ড

মঙলদৈৰ বাঘপৰিত ভয়ংকৰ অগ্নিকাণ্ড (Massive fire breaks out in Mangaldai) ৷ বিদ্যুতৰ চৰ্ট চাৰ্কিটৰ ফলতেই অগ্নিকাণ্ডৰ সূত্ৰপাত হোৱাৰ সন্দেহ স্থানীয় ৰাইজৰ ৷ এই অগ্নিকাণ্ডৰ ফলত সম্পূৰ্ণে ৰূপে ভষ্মীভূত হয় চাৰিটাকৈ পৰিয়ালৰ বাসগৃহৰ লগতে কেইবা লাখ টকাৰ সা-সম্পত্তি ৷

মঙলদৈ, 25 ফেব্ৰুৱাৰী :মঙলদৈত অঘটন ৷ শুকুৰবাৰে মঙলদৈৰ বাঘপৰিত সংঘটিত হয় এক ভয়ংকৰ অগ্নিকাণ্ডৰ ঘটনা (Mangaldoi fire incident) ৷ এই অগ্নিকাণ্ডৰ ফলত নিমিষতে জুইত জাহ যায় একেটা পৰিয়ালৰ চাৰিটাকৈ বাসগৃহ ৷

জানিব পৰা মতে, বিদ্যুতৰ চৰ্ট চাৰ্কিটৰ ফলতে এই অগ্নিকাণ্ডৰ সূত্ৰপাত ঘটিছিল ৷ পৰৱৰ্তী সময়ত স্থানীয় ৰাইজে জুই নুমুৱাবলৈ ব্যৱহাৰ কৰিছিল পানী ৷ তাৰ পাচতেই বিদ্যুৎ আৰু পানীৰ সংযোগত এই জুয়ে লয় ভয়ংকৰ ৰূপ ৷

আনকি এই অগ্নিকাণ্ডত চাৰিটা ৰন্ধন চিলিণ্ডাৰ বিস্ফোৰণ হোৱাৰ ফলত সম্পূৰ্ণে ৰূপে ভষ্মীভূত হয় চাৰিটাকৈ পৰিয়ালৰ বাসগৃহ (Massive fire breaks out in Mangaldai) ৷

প্ৰাপ্ত তথ্য অনুসৰি, এই অগ্নিকাণ্ডৰ ফলত দুজন ব্যক্তি আহত হৈছে ৷ আহত ব্যক্তি দুজন হৈছে জমিলা খাতুন আৰু লালমন আলি ৷ আহত দুয়োজন লোককে মঙলদৈ অসামৰিক চিকিৎসালয়ত ভৰ্তি কৰোৱা হয় ৷

উল্লেখ্য যে, এই অগ্নিকাণ্ডত জাহ যায় চাৰিটা চিলিণ্ডাৰ, দুখন বাইক, বাৰখন চাইকেল সহ কেইবা লাখ টকাৰ সা-সম্পত্তি । অতি দুৰ্গম এলেকা হোৱা বাবেই বহু পলমকৈ অগ্নিনিৰ্বাপক বাহিনীৰ গাড়ী ঘটনাস্থলীত উপস্থিত হৈ নিৰ্বাপন কৰে জুই ৷

লগতে পঢ়ক :Fire broke out: বৰবাৰী পাহাৰত বনজুই