চিৰাং , ১৪ মাৰ্চ : চিৰাং জিলাৰ ছিদলীত সংঘটিত হয় এক জঘন্য কাণ্ড । বৃহস্পতিবাৰে চিদলী বক্ৰ নদীৰ পাৰত সম্পুৰ্ণ নাঙঠ অৱস্থাত এটি কণমানি শিশুৰ মৃতদেহ উদ্ধাৰ হয় । শিশুটিৰ মৃতদেহটো প্ৰত্যক্ষ কৰি ধৰ্ষণ কৰি হত্যা কৰাৰ সন্দেহ কৰে স্থানীয় লোকে ।
তথ্য অনুসৰি আইতাকৰ সৈতে বাস কৰিছিল কণমানি শিশুটিয়ে । ভিক্ষা কৰি জীৱন নিৰ্বাহ কৰা বৃদ্ধা গৰাকীয়ে বুধবাৰে ভিক্ষা কৰিবলৈ গৈ বিয়লি ঘৰলৈ উভতি অহাৰ পাচত শিশুটিক ঘৰত বিচাৰি নাপাই চিদলী থানাত অৱগত কৰে । অৱশেষত আজি পুৱা চিদলী বক্ৰ নদীৰ পাৰত নাঙঠ অৱস্থাত উদ্ধাৰ হয় শিশুটিৰ মৃতদেহ । মৃতদেহটোৰ কিছু দুৰত শিশুটিৰ বস্ত্ৰ উদ্ধাৰ হয় । ইতিমধ্যে ঘটনাস্থলীত আৰক্ষী উপস্থিত হৈ তদন্ত প্ৰক্ৰিয়া আৰম্ভ কৰিছে ।