চিৰাঙত বজ্ৰপাত পৰি নিহত 1, আহত 2

দেওবাৰে ৰাজ্যত হোৱা প্ৰচণ্ড বতাহ ধুমুহাৰ সময়তে একে পৰিয়ালৰে এজন নিহত, দুজন আহত হোৱা ঘটনাই চাঞ্চল্যৰ সৃষ্টি কৰিছে অঞ্চলজুৰি

চিৰাং, 31 মাৰ্চঃ চিৰাং জিলাৰ পানবাৰীৰ বিষডোবাত বজ্ৰপাত পৰি নিহত হয় এগৰাকী ছাত্ৰীৰ । আনহাতে গুৰুতৰভাৱে আহত হয় দুজন । দেওবাৰে ৰাজ্যত হোৱা প্ৰচণ্ড বতাহ ধুমুহাৰ সময়তে একে পৰিয়ালৰে এজন নিহত, দুজন আহত হোৱা ঘটনাই চাঞ্চল্যৰ সৃষ্টি কৰিছে অঞ্চলজুৰি । বজ্ৰপাতত বিষডোবাৰ আমিনা খাতুন নামৰ দশম শ্ৰেণীৰ ছাত্ৰী গৰাকীৰ মৃত্যু হোৱাৰ উপৰিও গুৰুতৰভাৱে আহত হয় বাছিৰণ বিবি আৰু আখিতাৰা খাতুন । ঘৰৰ চোতালত বজ্ৰ পৰি সংঘটিত হয় এই ঘটনা ।