বন্য়হস্তীৰ উপদ্ৰৱঃ বন্যহস্তীয়ে ভাঙিলে প্ৰধান মন্ত্ৰী আৱাস যোজনাৰ পকী গৃহ

দৰিদ্ৰ পৰিয়ালটো থাকিবলৈ এতিয়া কোনো আশ্ৰয় নাই ।

চিৰাং, 16 জুলাইঃ চিৰাঙৰ ভাৰত-ভূটান সীমান্তৰ শান্তিপুৰ লালাইদিশা গাঁৱত বন্যহস্তীৰ তাণ্ডৱ । ৰিপু চিৰাং বনাঞ্চলৰ পৰা ওলাই অহা বন্যহস্তীৰ এটা জাকে তাণ্ডৱ চলায় চিৰাঙৰ লালাইদিশা গাঁৱত । সোমবাৰে নিশা গাঁওখনৰ পামেলা নাৰ্জাৰী নামৰ বিধৱা মহিলাগৰাকীয়ে কন্যাৰ সৈতে বাস কৰা চৰকাৰী প্ৰধানমন্ত্ৰী আৱাস যোজনাৰ ঘৰটো ভাঙি চূৰ-মাৰ কৰে বন্য হস্তীৰ জাকটোৱে । এতিয়া এই দৰিদ্ৰ পৰিয়ালটো থাকিবলৈ কোনো আশ্ৰয় নাই । হাতীৰ এই উপদ্ৰৱৰ ফলত দিক-বিদিক হেৰুৱাই পেলাইছে আৰ্থিক ভাৱে দুৰ্বল মহিলাগৰাকীয়ে ৷ ফলত ৰাইজ আৰু মহিলাগৰাকীয়ে বিটিচি প্ৰশাসন আৰু বন বিভাগক পৰিয়ালটোৰ ঘৰটো পুনৰ নিৰ্মাণ কৰি দিবলৈ অনুৰোধ জনায় ।