চিৰাং, 14 জুন : সোমবাৰে প্ৰয়াত বলীউড অভিনেতা সুশান্ত সিং ৰাজপুত (Sushant Singh Rajput)ৰ প্ৰথমটো মৃত্যু বাৰ্ষিকী ৷ মৃত্যু বাৰ্ষিকী উপলক্ষে চিৰাঙত প্ৰয়াত তাৰকা সুশান্ত সিং ৰাজপুতলৈ ব্যতিক্ৰমী ধৰণেৰে শ্ৰদ্ধাঞ্জলি জ্ঞাপন কৰে এজন অনুৰাগীয়ে ৷
মৃত্যু বাৰ্ষিকীত মুখেৰে ছবি আঁকি শ্ৰদ্ধাঞ্জলি চিৰাঙৰ যুৱকৰ
প্ৰয়াত অভিনেতাগৰাকীৰ অনুৰাগী চিৰাং জিলাৰ বাসুগাঁৱৰ ছাত্ৰ সৌৰভ মণ্ডলে সুশান্ত সিং ৰাজপুতক শ্ৰদ্ধাঞ্জলি প্ৰদান কৰাৰ উদ্দেশ্যৰে ৩১ হেজাৰ গজালেৰে আঁকি উলিয়ালে অভিনেতাগৰাকীৰ এখন ছবি । প্লাইব’ৰ্ডত গজাল গাঁঠি সুশান্ত সিঙৰ ছবি অঁকা সৌৰভ মণ্ডল ত্ৰিপুৰা বিশ্ববিদ্যালয় (Tripura University)ৰ বাণিজ্যৰ স্নাতকোত্তৰ চূড়ান্ত বৰ্ষৰ ছাত্ৰ । সৌৰভে পঢ়াশুনাৰ লগতে চলাই গৈছে ছবি অঁকাৰ কাম । এই ছবিৰ বাবে প্ৰতিদিনে ৫ ঘণ্টাকৈ কাম কৰি ৮ দিনত ৪০ ঘণ্টা সময় ব্যৱহাৰ কৰা বুলি জানিবলৈ দিয়ে শিল্পীগৰাকীয়ে ।