চিৰাং, 8 ডিচেম্বৰঃ আজি চিৰাং জিলাৰ কাজলগাঁও পৰিষদীয় সমষ্টিৰ বিপিএফৰ প্ৰাৰ্থী পানীৰাম ব্ৰহ্মৰ হৈ উলিওৱা বাইক ৰেলীত অংশ গ্ৰহণ কৰে পৰ্যটন মন্ত্ৰী চন্দন ব্ৰহ্মই । উদাংশ্ৰীনি আলাৰি ষ্টেডিয়ামৰ পৰা উলিওৱা বাইক ৰেলীত বহু বিপিএফৰ কৰ্মীৰ সৈতে ৰৌমাৰী হৈ সমগ্ৰ কাজলগাঁও সমষ্টিত বাইক চলাই নিৰ্বাচনী প্ৰচাৰত অংশ গ্ৰহণ কৰে মন্ত্ৰী চন্দন ব্ৰহ্মই ।
কাজলগাঁৱত বাইক চলাই নিৰ্বাচনী প্ৰচাৰ মন্ত্ৰী চন্দন ব্ৰহ্মৰ বিপিএফৰ প্ৰাৰ্থী পানীৰাম ব্ৰহ্মৰ হৈ উলিওৱা বাইক ৰেলীত অংশ গ্ৰহণ কৰি সাংবাদিকৰ আগত মন্ত্ৰীজনে মন্তব্য কৰে যে, বিটিচি নিৰ্বাচনৰ প্ৰথম পৰ্যায়ত বাক্সা আৰু ওদালগুৰিত 18 খন আসন লাভ কৰিম ৷ আনহাতে, বিপিএফ দলে ১৭ খন আসন লাভ কৰাৰ কথা হিমন্ত বিশ্ব শৰ্মাই কৈছে যদিও আমি ১৮ খন আসন লাভ কৰিম বুলি দাবী কৰে মন্ত্ৰী চন্দন ব্ৰহ্মই ।
বিটিচি বাসীয়ে হাগ্ৰামা মহিলাৰীক যি দৰে সহাৰি জনালে তাৰ বাবে বিটিচি বাসীক ধন্যবাদ জনায় মন্ত্ৰী গৰাকীয়ে । আনহাতে ইউপিপিএল আৰু বিজেপি দলৰো কোনো প্ৰভাৱ নপৰিল । ৰাজ্যসভাৰ সাংসদ বিশ্বজিত দৈমাৰীক বিটিচি বাসীয়ে আৰু কেতিয়াও বিশ্বাসত নলয় বুলি স্পষ্ট কৰে চন্দন ব্ৰহ্মই ৷ লগতে কাজলগাঁও পৰিষদীয় প্ৰাৰ্থী পানী ৰাম ব্ৰহ্মই কয় যে, ৰাইজৰ বিপুল সহাৰি লাভ কৰি তেওঁ জয়ী হব । তেওঁৰ কোনো প্ৰতিদন্দি নাথাকে বুলিও কয় প্ৰাৰ্থী জনে ।
লগতে পঢ়ক-CAA বলৱৎ হ'লে পুনৰ ৰাজপথলৈ ওলাই আহিম: জুবিন গাৰ্গ
