সোণাৰীত চাহ বাগিচাৰ পৰিচালকক গণ প্ৰহাৰ শ্ৰমিকৰ

চৰাইদেউৰ সোণাৰি চাহ বাগিচাৰ পৰিচালক জিতু হাজৰিকাৰ ওপৰত গণ প্ৰহাৰ উত্তেজিত চাহ শ্ৰমিকৰ ৷ যোৰহাটত বাগিছাৰ চিকিৎসকক গণ প্ৰহাৰ কৰি হত্যা কৰাৰ পিচতে এইবাৰ শিৱসাগৰৰ সোণাৰি চাহ বাগিছাত উত্তেজিত একাংশ শ্ৰমিকে প্ৰহৰ কৰিলে বাগিচাৰ পৰিচালকক ৷

শিৱসাগৰ,15 অক্টোবৰ : চৰাইদেউৰ সোণাৰি চাহ বাগিচাত উত্তপ্ত পৰিস্থিতি মঙলবাৰে ৷ উত্তেজিত চাহ শ্ৰমিকে উত্তম মধ্যম শোধালে বাগিচাৰ পৰিচালক জিতু হাজৰিকাক ৷ পৰিচালক গৰাকীয়ে দীৰ্ঘ দিন ধৰি শ্ৰমিকক শোষণ চলোৱাৰ অভিযোগতেই মঙলবাৰে সংঘটিত হয় এই ঘটনা । ঘটনা অনুসৰি বাগিচা পৰিচালকগৰাকীয়ে কৰ্মত উপস্থিত নথকা শ্ৰমিকক জৰিমনা বিহে ২০০ টকা । ইয়াৰ বিপৰীতে শ্ৰমিকে মজুৰি লাভ কৰে ১৬৭ টকা। ইয়াৰোপৰি বিভিন্ন সময়ত শ্ৰমিকক অশালীন ব্যৱহাৰ কৰা জিতু হাজৰিকাৰ ওপৰত অতিষ্ঠ হৈ ক্ষোভ উজাৰিলে চাহ শ্ৰমিকে । ৰাজহুৱা ভাৱে উত্তম-মধ্যম সোধোৱা পৰিচালক হাজৰিকা আঘাটপ্ৰাপ্ত হৈ বৰ্তমান চিকিৎসালয়ত চিকিৎসাধীন। এই ঘটনাৰ পাছত ঘটনাস্থলীত সোণাৰি আৰক্ষী উপস্থিত হোৱাত নিয়ন্ত্ৰণলৈ আহে পৰিস্থিতি ৷