শিলচৰত গাতত পুতি থোৱা অৱস্থাত উদ্ধাৰ পাঁচ মহীয়া শিশুৰ মৃতদেহ

শিলচৰত উদ্ধাৰ পাঁচ মহীয়া শিশুৰ মৃতদেহ ৷ গাতত পুতি থোৱা অৱস্থাত উদ্ধাৰ মৃতদেহটো ৷ উদ্ধাৰ হোৱা মৃতদেহটো বিগত 4 আগষ্টত কাজিডহৰৰ পৰা ঘৰৰ খিৰিকি ভাঙি অপহৰণ কৰি শিশুটোৰ মুক্তিৰ দাবীত 10 লাখ টকা দাবী জনাইছিল বুলি উল্লেখ কৰে আৰক্ষীয়ে ৷

শিলচৰ,7 আগষ্টঃশিলচৰৰ কাজিডহৰৰ উদ্ধাৰ এটি পাঁচ মহীয়া শিশুৰ মৃতদেহ ৷ কাজিডহৰৰ পৰা কিছু দূৰত্বত থকা এখন দলঙৰ তলত উদ্ধাৰ হয় শিশুটোৰ মৃতদেহ ৷ দলঙৰ তলত গাত খান্দি থোৱা অৱস্থাত উদ্ধাৰ শিশুটোৰ মৃতদেহ ৷ উল্লেখ্য যে,বিগত 4 আগষ্টত কাছাৰৰ সোণাই বিধানসভাৰ কাজিডহৰৰ পৰা অপহৰণ হৈছিল এটি পাঁচ মহীয়া শিশু ৷ কাজিডহৰৰ দিব্যজ্যোতি নাথ নামৰ ব্যক্তিজনৰ ঘৰৰ খিৰিকি ভাঙি অপহৰণ কৰি লৈ যায় শিশুটো ৷

অপহৰণ কৰি লৈ যোৱা কিছু সময় পাচতে পাঁচ মহীয়া শিশুটোৰ মুক্তিৰ দাবী 10 লাখ টকা দাবী কৰে অপহৰণকাৰীয়ে ৷ ঘটনা সন্দৰ্ভত আৰক্ষীয়ে তদন্ত অব্যাহত ৰাখে যদিও বৃহস্পতিবাৰে নিশা গাতত পুতি থোৱা অৱস্থাত উদ্ধাৰ হয় শিশুটোৰ মৃতদেহ ৷

আৰু পঢ়কঃ বন্দুক দেখুৱাই দুৰ্বৃত্তই লুটি নিলে স্কুটিসহ নগদ ধন