কাছাৰৰ এখন বিদ্যালয়ত প্ৰধান শিক্ষকৰ মইমতালি

প্ৰধান শিক্ষকৰ দৌৰাত্ম্যত অতিষ্ঠ ভাৰত-বাংলা সীমান্তৰ এখন বিদ্যালয় ৷ কাছাৰ জিলাৰ এখন প্ৰাথমিক বিদ্যালয়ৰ প্ৰধান শিক্ষকৰ মইমতালিত ত্ৰাহি মধুসূধন দেখিছে ছাত্ৰ-ছাত্ৰী তথা স্থানীয় ৰাইজ আৰু অভিভাৱকে ৷

কাছাৰ, 5 জুলাইঃ কাছাৰ জিলাৰ কাটিগৰাৰ ভাৰত-বাংলা সীমান্তৰ এখন বিদ্যালয়ৰ প্ৰধান শিক্ষকৰ চৰম মইমতালিয়ে বাৰুকৈয়ে অতিষ্ঠ কৰিছে ছাত্ৰ-ছাত্ৰী তথা অভিভাৱকক আৰু স্থানীয় ৰাইজক । সীমান্তৰ1426 নং মহাদেৱপুৰ এল পি স্কুলৰ প্ৰধান শিক্ষক সুব্ৰত দেৱে নিজ খেয়ালখুঁচি মতে বিদ্যালয়লৈ আহ-যাহ কৰাৰ লগতে অনিয়মিতভাৱে শ্ৰেণীত পাঠদান কৰাৰ অভিযোগ উত্থাপিত হৈছে ৷
উল্লেখ্য যে, যোৱা নৱেম্বৰ মাহৰ পৰাই মধ্যাহ্ন ভোজনৰ পৰা বঞ্চিত হৈ আছে বিদ্যালয়খনৰ ছাত্ৰ-ছাত্ৰী ৷