শিলচৰ, 23 এপ্ৰিল : যোৱা 22 এপ্ৰিলত ক’ভিড টেষ্টৰ ভয়ত শিলচৰ বিমানবন্দৰৰ পৰা ক’ভিড টেষ্ট নকৰাকৈয়ে পলায়ন কৰা যাত্ৰী সকল এতিয়া পৰিছে আইনৰ ৰোষত ৷ ইতিমধ্যে তেওঁলোকৰ বিৰুদ্ধে ৰুজু কৰা হৈছে গোচৰ ৷
উল্লেখযোগ্য় যে, বিগত 22 এপ্ৰিলত বহি: ৰাজ্য়ৰ পৰা অসমলৈ আহি ক’ভিড টেষ্ট নকৰাকৈয়ে শিলচৰ বিমানবন্দৰৰ পৰা পলায়ন কৰিছিল ৩০০ গৰাকীৰো অধিক লোকে ৷ এই সকলৰ বিৰুদ্ধে এতিয়া কঠোৰ হৈছে কাছাৰ আৰক্ষী তথা জিলা প্ৰশাসন ৷ চৰকাৰী নিৰ্দেশ অমান্য কৰাৰ অভিযোগৰ ভিত্তিত এই সকলক বিচাৰি ইতিমধ্যেই আৰক্ষীয়ে আৰম্ভ কৰিছে অভিযান ৷ ইফালে, এতিয়া এই সকলৰ ওপৰত আৰক্ষীক কঠোৰ হোৱাৰ নিৰ্দেশ দিছে কাছাৰ জিলাৰ উপায়ুক্ত গৰাকীয়েও ৷
লগতে পঢ়ক :ক'ভিড প্ৰট'কল মানিবলৈ ৰাইজক আহ্বান লুৰিণ জ্যোতি গগৈৰ