কাছাৰ, 11 ছেপ্তেম্বৰ: ৰাজ্য চৰকাৰ তথা স্বাস্থ্য বিভাগৰ বিৰুদ্ধে ক্ষোভ দীৰ্ঘদিনৰ পৰা ন্যাৰ্য সুবিধা প্ৰদানৰ দাবীৰে প্ৰতিবাদ কৰি অহা "ৰাষ্ট্ৰীয় গ্ৰাম্য স্বাস্থ্য অভিযান" চমুকৈ NRHM কৰ্মী সকলৰ ৷ তেওঁলোকৰ দাবী সমুহক উপেক্ষা কৰি স্বাস্থ্য বিভাগে নতুনকৈ নিযুক্তি প্ৰদানৰ বিজ্ঞাপন দিয়াত জাঙুৰ খাই উঠিছে ৰাজ্যৰ হাজাৰ হাজাৰ ৰাষ্ট্ৰীয় গ্ৰাম্য স্বাস্থ্য অভিযানৰ কৰ্মী ৷ শীঘ্ৰেই এই বিজ্ঞাপন বাতিল কৰি পূৰ্বৰে পৰা বিভাগটোত কাম কৰি থকা সকলৰ চাকৰি নিয়মীয়া কৰণৰ দাবী জনাইছে ৰাষ্ট্ৰীয় গ্ৰাম্য স্বাস্থ্য অভিযানৰ কৰ্মী সকলে ৷ অন্যথা আগন্তুক দিনত তীব্ৰ আন্দোলন গঢ়ি তোলাৰ হুংকাৰ প্ৰদান কৰিছে কৰ্মী সকলে ৷ বৃহস্পতিবাৰে এই সন্দৰ্ভত সংবাদমেল আয়োজন কৰি ক্ষোভ প্ৰকাশ কৰে All Assam NRHM medical and paramedical association য়ে ৷
চৰকাৰৰ বিৰুদ্ধে ক্ষোভ "ৰাষ্ট্ৰীয় গ্ৰাম্য স্বাস্থ্য অভিযান"ৰ কৰ্মীৰ