পুত্ৰক বচাবলৈ গৈ মৃত্যু পিতৃৰ

আজিম উদ্দিন নামৰ ব্যক্তিজনক গাঁৱৰে কেইজনমান লোকে মাতি নি চোকা অস্ত্ৰৰে আক্ৰমণ কৰে ৷ আজিম উদ্দিনৰ চিঞৰ-বাখৰত পিতৃ চিৰাজ উদ্দিনে পুত্ৰক বচাবলৈ যায় ৷

কাছাৰ,11 চেপ্তেম্বৰঃ কাছাৰ মাখন নগৰত নৃশংস হত্যাকাণ্ড ৷ দহজনীয়া অস্ত্ৰধাৰী দলৰ আক্ৰমণত থিতাতে নিহত এজন ৷ নিহত ব্যক্তিজনৰ নাম চিৰাজ উদ্দিন ৷ অভিযোগ অনুসৰি,আজিম উদ্দিন নামৰ ব্যক্তিজনক গাঁৱৰে কেইজনমান লোকে মাতি নি চোকা অস্ত্ৰৰে আক্ৰমণ কৰে ৷ আজিম উদ্দিনৰ চিঞৰ-বাখৰত পিতৃ চিৰাজ উদ্দিনে পুত্ৰক বচাবলৈ যায় ৷ তাৰ পাচতে দুৰ্বৃত্তৰ দলটোৱে পিতৃ চিৰাজ উদ্দিনক উপৰ্যুপৰি আক্ৰমণ কৰে ৷ ফলত থিতাতে নিহত হয় চিৰাজ উদ্দিন ৷ ঘটনা সন্দৰ্ভত অঞ্চলজুৰী উত্তেজনা অব্যাহত আছে যদিও বৰ্তমান পৰ্যন্ত কোনো ব্যক্তিক আটক কৰিবলৈ সক্ষম হোৱা নাই আৰক্ষী ৷