শিলচৰ, 6 ছেপ্টেম্বৰ : সমগ্ৰ বৰাকজুৰি সন্ত্ৰাস সৃষ্টি কৰা এটা দুৰ্ধৰ্ষ ডকাইতে অৱশেষত শালচাপড়া আউট পোষ্টত সোমবাৰে আত্মসমৰ্পণ কৰে । শেহতীয়াকৈ একাধিক ডকাইতিৰ সৈতে জড়িত ৰাজু বৰভূঞা নামৰ ডকাইতটো আছিল আৰক্ষীৰ মোষ্ট ৱান্টেডৰ তালিকাত । কুখ্যাৎ ডকাইতটোৰ ঘৰ আলগাপুৰ বিধানসভা সমষ্টিৰ বৰ্ণিব্ৰীজ গাঁও পঞ্চায়তৰ কুৰিয়া বস্তিত বুলি জানিব পৰা গৈছে ।
উল্লেখযোগ্য যে, ৰাজুৱে দীৰ্ঘদিন ধৰি আৰক্ষীৰ চকুত ধুলি দি কেইবাটাও চলাই আহিছে ডকাইতি । সোমবাৰৰ দিনটোতে, শালচাপড়া গাঁও পঞ্চায়তৰ প্ৰতিনিধি আতাউৰ ৰহমান বৰভূঞা আৰু শালচাপৰা আউটপোষ্টৰ ভিডিপি কৰ্মীসকলৰ ওচৰত আত্মসমৰ্পণৰ ইচ্ছা প্ৰকাশ কৰে ৷ ইয়াৰ পিছত ভিডিপি আৰু শালচাপড়া পঞ্চায়তৰ প্ৰতিনিধি গৰাকীয়ে আৰক্ষীৰ লগত ডকাইতটোৰ এই ইচ্ছাৰ সম্পৰ্কে কথা পাতে ।
বৰাকৰ মোষ্ট ওৱান্টেড ডকাইত ৰাজুৰ আত্মসমৰ্পণ