কাছাৰ, 27 অক্টোবৰ : বিষ্ণুপ্রিয়া মনিপুৰী স্বায়ত্ব শাসিত পৰিষদ গঠনৰ দাবীত বুধবাৰে ৰাজ্যৰ 80 টা স্থানৰ পৰা জোঁৰ সমদল কৰিব বিষ্ণুপ্ৰিয়া মনিপুৰী স্বায়ত্ব কাউঞ্চিল ডিমাণ্ড কমিটীয়ে ৷ মঙলবাৰে শিলচৰৰ কচুদৰমত আয়োজিত এক সংবাদমেলত এই আন্দোলনৰ কথা ঘোষনা কৰে বিষ্ণুপ্ৰিয়া মনিপুৰী স্বায়ত্ব কাউঞ্চিল ডিমাণ্ড কমিটীয়ে ৷
কমিটীৰ সভাপতি গোপীদাস সিনহাৰ প্ৰতিবাদ
কমিটীৰ সভাপতি গোপীদাস সিনহাই সদৰী কৰা মতে, বৰাকৰ কাছাৰ, কৰিমগঞ্জ, হাইলাকান্দি আৰু কামৰূপ জিলাৰ মুঠ 80 টা স্থানত সন্ধিয়া 6 বজাত এই জোঁৰ সমদল বাহিৰ কৰিব ৷ সমদলত কেইবা হাজাৰ বিষ্ণুপ্ৰিয়া মনিপুৰী লোকে অংশগ্ৰহন কৰি স্বায়ত্ব শাসিত পৰিষদ গঠনৰ শক্তিশালী দাবী উত্থাপন কৰিব বুলিও উল্লেখ কৰে গোপীদাস সিনহাই ৷