শিলচৰ,3 এপ্ৰিল: শিলচৰৰসোনাই বুধ চেণ্টাৰত সৃষ্টি হোৱা অগ্নিগৰ্ভা পৰিস্থিতিৰ ফলত কোনো ধৰণৰ ইভিএম নষ্ট হোৱা নাই বুলি দাবী কৰিছে কাছাৰ জিলা প্ৰশাসনে ৷ শিলচৰত সৃষ্টি হোৱা হিংসাত্মক পৰিস্থিতিৰ পাছতো কাছাৰ প্ৰশাসনে ইভিএমসমূহ সুৰক্ষিত অৱস্থাত ৰাখিবলৈ সক্ষম হৈছে বুলি জানিবলৈ দিয়াৰ লগতে সমগ্ৰ ঘটনা সন্দৰ্ভত স্পষ্টীকৰণ দি কাছাৰ প্ৰশাসনে এই কথা সদৰী কৰে ৷
শিলচৰৰ হিংসাত্মক ঘটনাৰ স্পষ্টীকৰণ কাছাৰ প্ৰশাসনৰ
শিলচৰত এখন সংবাদমেল সম্বোধন কৰি ঘটনা সন্দৰ্ভত স্পষ্টীকৰণ দি কাছাৰ জিলা প্ৰশাসনৰ উপায়ুক্ত কীৰ্তি জল্লী আৰু আৰক্ষী বিষয়া মিনা ক'লে বৰ্তমান সমগ্ৰ পৰিস্থিতি শান্ত বুলি জানিবলৈ দিয়ে ৷ অন্য কোনো ধৰণৰ বিসংগতি যাতে সংঘটিত নহয়, তাৰ বাবে আৰক্ষী প্ৰশাসন সতৰ্ক হৈ আছে বুলি জানিবলৈ দিয়ে ৷ লগতে নেট্ৰিপৰত হোৱা ঘটনাত নষ্ট হোৱা ইভিএম মেচিনটো খালী ইভিএম মেচিন আছিল বুলি দাবী কৰে ৷