মন্ত্ৰী ফণীভূষণ চৌধুৰীয়ে স্থাপন কৰিলে বজাৰ গৃহ

বঙাইগাঁৱত মন্ত্ৰী ফণীভূষণ চৌধুৰীয়ে আধাৰশিলা স্থাপন কৰিলে চিলাৰায় সপ্তাহিক বজাৰৰ সমূহীয়া গৃহৰ । ৪০ লাখ টকা ব্যায় সাপেক্ষে নিৰ্মাণ হ'ব গৃহটো ।

চিৰাং, 13 জুন : শনিবাৰে বঙাইগাঁও পৌৰ সভাৰ অন্তৰ্গত চিলাৰায় সপ্তাহিক বজাৰ(বাহ বজাৰ)ৰ সমুহীয়া বজাৰ গৃহৰ আধাৰশিলা স্থাপন কৰে অসম চৰকাৰৰ অসামৰিক যোগান মন্ত্ৰী তথা বঙাইগাঁও সমষ্টিৰ বিধায়ক ফণীভূষণ চৌধুৰীয়ে । ৪০ লাখ টকা ব্যয়েৰে নিৰ্মাণ হ'ব এই বজাৰগৃহ । বঙাইগাঁও চহৰৰ মাজমজিয়াত থকা এইখন সপ্তাহিক বজাৰত দীৰ্ঘদিনৰ পৰাই নাছিল কোনো সমুহীয়া বজাৰ গৃহ । আধাৰশিলা স্থাপনে বঙাইগাঁও পৌৰসভা এলেকাত এক দীৰ্ঘদিনীয়া অভাৱ পূৰণ কৰাৰ আশা উদ্ভাসিত কৰিছে ।

বঙাইগাঁও বিধানসভা সমষ্টিত একেৰাহে ৩৫ বছৰৰ পৰা বিধায়ক হৈ থকা ফণীভূষণ চৌধুৰী কেইবাবাৰো মন্ত্ৰী হোৱাৰ পাচতো নিজৰ ঘৰৰ কাষতে থকা এইখন বজাৰৰ দুৰৱস্থা দৃষ্টিগোচৰ হোৱা নাছিল । কিন্তু এইবাৰ বঙাইগাঁও পৌৰসভাৰ ৰাইজৰ দাবীৰ প্ৰতি সঁহাৰি জনায় বজাৰৰ সমুহীয়া গৃহৰ নিৰ্মাণৰ ব্যৱস্থা কৰি আধাৰশিলা স্থাপন কৰে মন্ত্ৰীগৰাকীয়ে ।

লগতে পঢ়ক :পুৰণি বঙাইগাঁৱৰ ভাটিপাৰাত চোকা অস্ত্ৰৰে আক্ৰমন এটা পৰিয়ালক