3 বজাৰ শীৰ্ষ 10 টা বাতৰি

3 বজাৰ শীৰ্ষ 10 টা বাতৰি

নতুন পদ সৃষ্টিৰ ক্ষেত্ৰত প্ৰতিবন্ধকতা ৰাজ্য চৰকাৰৰ । বিভাগসমূহলৈ বিত্ত বিভাগ(Finance Department)ৰ নিৰ্দেশনা । ৰাজ্যিক কেবিনেটত গ্ৰহণ কৰা গুৰুত্বপূর্ণ সিদ্ধান্ত বৰ্তমানলৈকে ৰাজহুৱা কৰা হোৱা নাই । ৰাজ্য চৰকাৰৰ বিত্তীয় অৱস্থা সূচল নোহোৱাৰ বাবেই নতুন পদ সৃষ্টি কৰিব বিচৰা নাই । এক লাখ পদত নিযুক্তি দিলে বছৰি অতিৰিক্ত 8 হাজাৰ কোটি টকাৰ প্ৰয়োজন হ’ব ৷

উত্তৰাখণ্ডত নেৰানেপেৰা বৰষুণৰ ফলত গংগা নদীৰ জলস্তৰে সতৰ্কতা ৰেখা অতিক্ৰম কৰিছে । কেইবাটাও ঘাট জলমগ্ন হোৱাৰ লগতে পৰমাৰ্থ নিকেতন ঘাটত নিৰ্মিত শিৱৰ মূৰ্তি স্পৰ্শ কৰি প্ৰবাহিত হৈছে গংগাৰ পানী ৷ গংগাৰ জলস্তৰ আৰু মাত্ৰ কেই চেণ্টিমিটাৰমান অতিক্ৰম কৰিলেই বিপদসীমাৰ ওপৰেদি ব’ব পানী ৷

C-TETৰ বাবে অনলাইন প্ৰ-পত্ৰ জমা দিয়াৰ শেষ দিন 19 অক্টোবৰৰ পৰা 25 অক্টোবৰলৈ বৃদ্ধি কৰিছে Central Board of Secondary Education য়ে ৷ নিম্নতম 55 শতাংশ নম্বৰ বা সমতুল্য গ্ৰেড আৰু তিনি বছৰীয়া ইণ্টিগ্ৰেটেড BEd-MEd থকা স্নাতকোত্তৰ অৰ্হতা থকা প্ৰাৰ্থীসকলেও পৰীক্ষাৰ বাবে আবেদন কৰিব পাৰে ।

দুৰ্গা পূজা(Durga Puja)ৰ দিনাই কোনো সাম্প্ৰদায়িক অপশক্তিয়ে বাংলাদেশত মা দুর্গাৰ মূৰ্তি ভাঙি পেলোৱাৰ বিৰোধিতা কৰি শিলচৰত বিশ্ব হিন্দু পৰিষদ(Bishwa Hindu Parishad)ৰ প্ৰতিবাদী সমদল বাহিৰ ৷ এটি বাইক ৰেলীৰে বাংলাদেশৰ ধৰ্মীয় হিংসাৰ বিৰুদ্ধে প্ৰতিবাদ(Protest) সাব্যস্ত কৰে বিশ্ব হিন্দু পৰিষদে ৷

ৰাজ্য চৰকাৰে বৰাক-ব্ৰহ্মপুত্ৰৰ মাজৰ সম্প্ৰীতি পূৰ্বতকৈ অধিক শক্তিশালী হৈছে বুলি কৈ থকাৰ সময়তে বৰাকত সোমবাৰে অপমান কৰা হয় অসমীয়া ভাষাক । এই ঘটনাই ৰাজ্যজুৰি সৃষ্টি কৰিছে ব্যাপক প্ৰতিক্ৰিয়া ।

অজয় দেৱগণ, সিদ্ধাৰ্থ মালহোত্ৰা আৰু ৰাকুলপ্ৰীত সিং অভিনীত ছবি Thank God ৰ জৰিয়তে বলীউডত পদাৰ্পণৰ প্ৰস্তুতি আৰম্ভ কৰিছে শ্ৰীলংকাৰ কণ্ঠশিল্পী য়োহানীয়ে ৷ ছবিখন পৰিচালনা কৰিছে ইন্দ্ৰ কুমাৰে ৷

মঙলবাৰে পুৱা প্ৰধানমন্ত্ৰী নৰেন্দ্ৰ মোডী(Narendra Modi)ৰ বাসভৱনত উপস্থিত হয় কেন্দ্ৰীয় গৃহ মন্ত্ৰী অমিত শ্বাহ(Amit Shah) । বৰ্তমান প্ৰধানমন্ত্ৰীৰে কেন্দ্ৰীয় গৃহ মন্ত্ৰীগৰাকীৰ আলোচনা অব্যাহত আছে । কাশ্মীৰকে ধৰি আন কেইবাটাও ৰাষ্ট্ৰীয় সমস্যা সন্দৰ্ভত আলোচনা কৰিছে প্ৰধানমন্ত্ৰী নৰেন্দ্ৰ মোডী আৰু অমিত শ্বাহে ।

প্ৰধানমন্ত্ৰী নৰেন্দ্ৰ মোডী(Narendra Modi)ক সমালোচনা অল ইণ্ডিয়া মজলিছ-এ-ইত্তেহাদুল মুছলিমীন(All India Majlis-e-Ittehadul Muslimeen)ৰ প্ৰধান আছাদুদ্দিন ওৱেইছি(Asaduddin Owaisi)ৰ । তেওঁ অভিযোগ উত্থাপন কৰে যে, ইন্ধনৰ মূল্য বৃদ্ধি, চীনৰ আগ্ৰাসন আদি প্ৰসংগত প্ৰধানমন্ত্ৰী মোডীয়ে মন্তব্য আগবঢ়োৱাৰ পৰা সদায় বিৰত থাকে ।

দুৰ্গোৎসৱ চলি থকাৰ মাজতে বাংলাদেশৰ হিন্দু মন্দিৰত হোৱা আক্ৰমণৰ ঘটনাক গৰিহণা দিলে আমেৰিকা যুক্তৰাষ্ট্ৰই । দেশখনৰ বৈদেশিক মন্ত্ৰালয়ৰ মুখপাত্ৰই কয় যে, ধৰ্মৰ স্বাধীনতা অথবা বিশ্বাস হৈছে মানৱ অধিকাৰ । বাংলাদেশৰ হিন্দু মন্দিৰত হোৱা আক্ৰমণত ৩ জন লোকে প্ৰাণ হেৰুওৱাৰ লগতে আন বহু লোক আহত হয় ।

অসমীয়া আৰু বঙালী সম্প্ৰদায়ৰ লোকৰ মাজৰ সম্প্ৰীতিত আঘাত হানিবলৈ প্ৰয়াস নকৰিবলৈ তথাকথিত বঙালী সংগঠনক সকীয়াই দিলে টাই আহোম যুৱ পৰিষদ অসমে । বৰাকত অসমীয়া ভাষাক অপমান কৰা কাৰ্যক গৰিহণা দি এনে কাৰ্যৰ পুনৰাবৃত্তি নকৰিবলৈও সকীয়নি দিয়ে সংগঠনটোৱে ।