বিশ্বনাথ,৫ জুন: বিহালী সমষ্টিৰ ক'ভিড পৰিস্থিতি সন্দৰ্ভত আলোচনা কৰাৰ বাবে শুকুৰবাৰে বিয়লি বিহালী খণ্ড উন্নয়ন বিষয়াৰ কাৰ্যালয়ত এখন সভা অনুষ্ঠিত হয় । সভাত উপস্থিত থাকে বিহালী সমষ্টিৰ বিধায়ক ৰঞ্জিত দত্ত, বিহালী মণ্ডলৰ অধীনৰ পঞ্চায়ত প্ৰতিনিধি, বিহালী খণ্ড উন্নয়ন বিষয়া, জিনজিয়াৰ ভাৰপ্ৰাপ্ত আৰক্ষী বিষয়া, বিহালী আৰক্ষী থানাৰ ভাৰপ্ৰাপ্ত আৰক্ষী বিষয়া, বৰগাং আৰক্ষী চকীৰ ভাৰপ্ৰাপ্ত আৰক্ষী বিষয়া, বৰগাং বনাঞ্চলিক বিষয়া, বিহালী প্ৰাথমিক চিকিৎসালয় জ্যেষ্ঠ চিকিৎসক ডাঃ জে চি বে'ই, বিশ্বনাথ জিলা ৰাজহ চক্ৰ বিষয়াকে ধৰি কেইবাজনো উচ্চপদস্থ বিষয়া ।
বিহালীৰ গ্ৰামাঞ্চলত ক'ভিড মহামাৰীৰ সংক্ৰমণ যাতে অধিক হ'ব নোৱাৰে তাৰ বাবে নিয়ন্ত্ৰণ আৰু প্ৰতিৰোধৰ ব্যৱস্থা ল'বলৈ জিলা প্ৰশাসনৰ বিষয়াসকলৰ লগতে পঞ্চায়ত প্ৰতিনিধিসকলক আহ্বান জনাই বিধায়ক ৰঞ্জিত দত্তই ।