বিহালীৰ বেদেতী ৰে'ল ষ্টেচনত জব্দ বুজন পৰিমাণৰ সুৰা

বিহালীৰ বেদেতী ৰে'ল ষ্টেচনত এটা যুৱকৰ দলে কেইবা কাৰ্টন অৰুণাচলী সুৰা জব্দ কৰে ৷ জব্দ হোৱা সুৰাখিনি জ্বলাই দিয়ে যুৱকৰ দলটোৱে ৷

বিশ্বনাথ, 7 আগষ্টঃ বিশ্বনাথ জিলাৰ বিহালীৰ বেদেতী ৰে'ল ষ্টেচনত সচেতন যুৱকে উদ্ধাৰ কৰিলে বুজন পৰিমাণৰ সুৰা ৷ বিহালী বেদেতী ৰে'ল ষ্টেচনত কেইবা কাৰ্টন অৰুণাচলী মদৰ বটল উদ্ধাৰ কৰে এটা যুৱকৰ দলে ৷ জব্দ কৰা সুৰাখিনি জ্বলাই দিয়ে যুৱক সকলে ৷ উল্লেখ্য যে,সুৰাখিনি বেদেতী ৰে'ল ষ্টেচনত চাৰি গৰাকী মহিলাই ৰঙাপৰা অভিমুখী যাত্ৰীবাহী ৰে'লত নিবৰ বাবে ৰৈ থকা অৱস্থাত সচেতন যুৱকৰ দলটোৱে জব্দ কৰে ৷ উদ্ধাৰ কৰা সুৰাৰ খবৰটি আৰক্ষীক অৱগত কৰে যুৱকৰ দলটোৱে ৷

কিন্তু বহু সময়লৈকে আৰক্ষী উপস্থিত নোহোৱাত ক্ষুব্ধ হৈ উদ্ধাৰ কৰা সুৰাৰ বটল কেইটা জ্বলাই দিয়ে ৷ কিন্তু পৰিতাপৰ কথা এয়েই যে, ৰে'ল ষ্টেচনত আৰক্ষীৰ সন্মুখতেই এনে ঘটনা সংঘটিত হৈ থকাক লৈ সচেতন মহলত প্ৰতিক্ৰিয়াৰ সৃষ্টি হৈছে ৷