বিজেপি দল ত্যাগ কৰাৰ সম্ভাৱনা বৰছলাৰ বিধায়কৰ

বৰছলা সমষ্টিৰ বিজেপি বিধায়ক গণেশ লিম্বুৱে বিজেপি দল ত্যাগ কৰাৰ পূৰ্ণ সম্ভাৱনা থকা বুলি মন্তব্য কৰে নেপালী জনগোষ্ঠীৰ নেতা তথা বিশ্বনাথ জিলা যুৱ কংগ্ৰেছৰ উপ সভাপতি মনোজ গৌতমে

বিশ্বনাথ, 17 মাৰ্চঃ সাংসদ আৰ পি শৰ্মাৰ দল ত্যাগৰ পাছতেই বিজেপি দলৰ ভিতৰ চ’ৰাত আৰম্ভ হৈছে আন এক চৰ্চা ৷ বৰছলা সমষ্টিৰ বিজেপি বিধায়ক গণেশ লিম্বুৱে বিজেপি দল ত্যাগ কৰাৰ পূৰ্ণ সম্ভাৱনা থকা বুলি মন্তব্য কৰে নেপালী জনগোষ্ঠীৰ নেতা তথা বিশ্বনাথ জিলা যুৱ কংগ্ৰেছৰ উপ সভাপতি মনোজ গৌতমে ৷ বিজেপি দলে নেপালী জনগোষ্ঠীৰ তথা গোৰ্খা সকলক শোষণ কৰি আহিছে ।তাৰ ফলতে বিজেপি দল ত্যাগ কৰিবলৈ গোৰ্খা জনগোষ্ঠীয় নেতা সকল বাধ্য হৈছে বুলি মন্তব্য কৰে মনোজ গৌতমে ।আনহাতে, কংগ্ৰেছ দলত আৰ পি শৰ্মাৰ যোগদানৰ চৰ্চাই বিশ্বনাথৰ কংগ্ৰেছ মহলক উৎফুল্লিত কৰিছে বুলিও মন্তব্য কৰে মনোজ গৌতমে ৷