বিশ্বনাথ, 11 মে': সোমবাৰে বিয়লি অহা ধুমুহা-বৰষুণে অমানিশা নমাই আনিলে বিহালীৰ শান্তিপুৰৰ এটা পৰিয়াললৈ । বজ্ৰপাতত মৃত্যু হ'ল শান্তিপুৰৰ ৰীতা প্ৰামানিক নামৰ এগৰাকী মহিলাৰ । জানিব পৰা মতে, মৎস্য ব্যৱসায়ী দিলীপ প্ৰামানিকৰ পত্নী ৰীতা প্ৰামানিক গাঁৱৰ আন কেইবাগৰাকীও মহিলাৰ সৈতে ব্ৰহ্মপুত্ৰৰ চাপৰিৰ পৰা ঝাও গছ আনিবলৈ গৈছিল ।
খৰি কাটি থকা সময়তে হঠাতে ব্ৰজপাতত মহিলাগৰাকীৰ মৃত্যু হয় । এই ঘটনাৰ পিছতে ৰীতা প্ৰামানিকক বৰগাং কেথলিক হাস্পতাললৈ নিয়া হয় যদিও চিকিৎসকে তেওঁক মৃত ঘোষণা কৰে । দুটি কন্যা সন্তানৰ মাতৃ ৰীতাৰ মৃত্যুত শোকৰ ছাঁ পৰিছে সমগ্ৰ অঞ্চলতে ।