বিশ্বনাথ, ১৪ নৱেম্বৰ : ‘‘অ বাবা উঠ অ’ ৷ উঠ অ’ বাবা ৷ মোৰ ল’ৰা শুই আছে ৷ ইহঁতে মোৰ পোৱালিটো বেজী দি কেনেকুৱা অৱস্থা কৰি পেলাইছে’’ ৷ এগৰাকী মাতৃৰ হিয়া ভঙা কান্দোন ৷ মৃত সন্তানক কোলাত লৈ এগৰাকী মাতৃয়ে কৰিছে হায়ৈ বিয়ৈ ৷ কোনে কাক দিব সান্তনা ? কাৰো মুখত নাই উত্তৰ ৷ সকলোৰে চকুত মাথো চকুলো ৷
মৃত পুত্ৰক বুকুত সাৱটি মাতৃয়ে বকিছে প্ৰলাপ
ঘটনাৰ স্থান বিশ্বনাথ চাৰিআলি মহকুমা অসামৰিক চিকিৎসালয় চৌহদৰ ৷ 4 বছৰীয়া শিৱা চেত্ৰী নামৰ এটি শিশুৰ শাৰীৰিক অসুস্থতাৰ বাবে শনিবাৰে সন্ধিয়া পিতৃ কৃষ্ণ চেত্ৰী আৰু মাতৃ ৰুমী চেত্ৰীয়ে বিশ্বনাথ চাৰিআলি অসামৰিক চিকিৎসালয়লৈ আনিছিল ৷ কিন্তু দুৰ্ভাগ্যবশত মৃত্যুক আকোঁৱালি লয় শিশুটিয়ে ৷ মৃত শিশুটিৰ পিতৃ-মাতৃৰ অভিযোগ, একমাত্ৰ চিকিৎসকৰ গাফিলতিৰ বাবেই মৃত্যু হ’ল কণমাণিটিৰ ৷
লগতে পঢ়ক :Ambush In Manipur : সুমন স্বৰ্গীয়াৰীৰ মৃত্যুৰ খবৰত শোকস্তব্ধ বাক্সা