বৰপেটা, ২ মে' : বৰপেটা চহৰৰ বৃন্দাৱনহাটীত সংঘটিত নৃশংস হত্যাকাণ্ডৰ মূল অভিযুক্ত আৰু আন দুগৰাকী যুৱকক গ্ৰেপ্তাৰ কৰিছে বৰপেটা আৰক্ষীয়ে ৷ যোৱা দেওবাৰে নিশা বৃন্দাবনহাটীৰ হৰেকৃষ্ণ দাস নামৰ লোকজনক নিজ ঘৰৰ সন্মুখতে ৰিকি দাস নামৰ যুৱকজনে আন তিনিজন যুৱকৰ লগলাগি আক্ৰমণ চলাইছিল ৷ এই আক্ৰমণত গুৰুতৰভাৱে আহত হৰেকৃষ্ণ দাসৰ বৃহস্পতিবাৰে মৃত্যু হয় ৷
এই ঘটনাৰ একমাত্ৰ প্ৰত্যক্ষদৰ্শী আছি মৃত হৰেকৃষ্ণ দাসৰ কন্যা ৷ ঘটনাৰ মূল অভিযুক্ত ৰিকি দাসৰ লগতে তেওঁৰ ভাতৃ বিকি দাস আৰু জয়ন্ত দাসক গ্ৰেপ্তাৰ কৰে বৰপেটা আৰক্ষীয়ে ৷ আনহাতে, সীমান্ত দাস নামৰ আন এজন অভিযুক্ত পলাতক অৱস্থাত থকা বুলি জানিবলৈ দিছে আৰক্ষীয়ে ৷
হৰেকৃষ্ণ দাস হত্যাকাণ্ডৰ তিনি অভিযুক্তক গ্ৰেপ্তাৰ !