জনীয়া,7 ফেব্ৰুৱাৰী:কলগাছিয়াত সংঘটিত হৈছে এক চুৰি কাণ্ড । এইবাৰ চোৰে চুৰ কৰিবলৈ অৱলম্বন কৰিলে বোপা-ককাৰ দিনৰ পন্থা ৷ পশ্চিম কলগাছিয়াত শনিবাৰে নিশা সিন্ধি খান্দি চোৰে লুটিলে নগদ ধনসহ এখন লক্ষাধিক মূল্যৰ চেক ৷
সিন্ধি খান্দি চোৰে লুটিলে নগদ ধন - কলগাছিয়া আৰক্ষী থানা
কলগাছিয়া আৰক্ষী থানাৰ অন্তৰ্গত পশ্চিম কলগাছিয়াৰ সাহজাহান আলী নামৰ এজন ব্যক্তিৰ ঘৰৰ পৰা শনিবাৰে নিশা আন্ধাৰৰ সুযোগ লৈ সিন্ধি খান্দি চোৰে লুটিলে নগদ ৫ হেজাৰ টকাৰ লগতে ১ লাখটকীয়া এখন চেক ৷
বোপা-ককা দিনৰ প্ৰন্থাৰে কলগাছিয়াত চুৰি
ঘটনাৰ বিৱৰণী অনুসৰি, কলগাছিয়া আৰক্ষী থানাৰ অন্তৰ্গত পশ্চিম কলগাছিয়াৰ সাহজাহান আলী নামৰ এজন ব্যক্তিৰ ঘৰৰ পৰা শনিবাৰে নিশা আন্ধাৰৰ সুযোগ লৈ সিন্ধি খান্দি চোৰে লুটিলে নগদ ৫ হেজাৰ টকাসহ ১ লাখ টকাৰ এখন চেক ৷ উল্লেখ্য যে, এইগৰাকী ব্যক্তিৰ ঘৰত এনে ঘটনা সংঘটিত হোৱা এয়ে প্ৰথম নহয় ৷ পূৰ্বতেও বহুবাৰ ব্যক্তিগৰাকীৰ ঘৰত সংঘটিত হৈছে চুৰি কাণ্ড ৷ কিন্তু কলগাছিয়া আৰক্ষীয়ে এইক্ষেত্ৰত নীৰৱ ভূমিকা পালন কৰি অহাৰ অভিযোগ উত্থাপন কৰিছে ভুক্তভোগী পৰিয়ালটোৱে ৷ ইয়াৰ পিছতে কলগাছিয়াত সঘনে সংঘটিত এনে চুৰি কাণ্ডৰ বিষয়ে সঠিকভাৱে তদন্ত কৰিবলৈ আৰক্ষীক আহ্বান জনাইছে অঞ্চলবাসীয়ে ৷
লগতে পঢ়ক :বিশ্বনাথ আৰু চৰাইদেউত চিকিৎসা মহাবিদ্যালয়ৰ আধাৰশিলা স্থাপন কৰিব মোডীয়ে