পূজাৰ সমান্তৰালকৈ ৰাজ্যত কৰ্মবিৰতি কাৰ্যসূচী

নিজৰ জীৱন আৰু চাকৰিৰ নিৰাপত্তাহীনতাত ভোগা পঞ্চায়ত আৰু গ্ৰামোন্নয়ন বিভাগৰ কৰ্মচাৰীসকলে ৫ দিনীয়াকৈ ৰাজ্যজুৰি পালন কৰিছে কৰ্মবিৰতি । বৰপেটা জিলাৰ বৰবাৰাদি, বৰপেটা, ভৱানীপুৰ, সৰভোগৰ চৰচকা, চেঙা উন্নয়নখণ্ড কাৰ্যালয়ত ঠিকাভিত্তিত নিয়োজিত কৰ্মচাৰীসকলে মঙলবাৰৰ পৰা পালন কৰে কৰ্মবিৰতি

বৰপেটা, ৩ অক্টোবৰঃ ৰাজ্যৰ পঞ্চায়ত আৰু গ্ৰামোন্নয়ন বিভাগত ৰাজ্য চৰকাৰে ঠিকাভিত্তিত নিযুক্তি দিয়া কৰ্মচাৰীসকলে মঙলবাৰৰ পৰা ৰাজ্যজুৰি পালন কৰে পাঁচদিনীয়া কৰ্মবিৰতি ৷ ২০০৮ চনত ৰাজ্য চৰকাৰে পঞ্চায়ত আৰু গ্ৰামোন্নয়ন বিভাগত ৮৬২০ জন কৰ্মচাৰীক ঠিকাভিত্তিত নিযুক্তি দিছিল ৷ পিছে ঠিকাভিত্তিত নিযুক্ত কৰ্মচাৰীসকলৰ চাকৰি নিয়মীয়াকৰনৰ নামত চৰকাৰে বৰ্তমানলৈকে গ্ৰহণ নকৰিলে কোনো ব্যৱস্থা ৷ নিজৰ জীৱন আৰু চাকৰিৰ নিৰাপত্তাহীনতাত ভোগা পঞ্চায়ত আৰু গ্ৰামোন্নয়ন বিভাগৰ কৰ্মচাৰীসকলে ৫ দিনীয়াকৈ ৰাজ্যজুৰি পালন কৰিছে কৰ্মবিৰতি । বৰপেটা জিলাৰ বৰবাৰাদি, বৰপেটা, ভৱানীপুৰ, সৰভোগৰ চৰচকা, চেঙা উন্নয়নখণ্ড কাৰ্যালয়ত ঠিকাভিত্তিত নিয়োজিত কৰ্মচাৰীসকলে মঙলবাৰৰ পৰা পালন কৰে কৰ্মবিৰতি ৷ ৰাজ্যজুৰি পালন কৰা কৰ্মবিৰতিৰ জৰিয়তে পঞ্চায়তত কৰ্মৰত কৰ্মচাৰীসকলৰ চাকৰি সুনিশ্চিত কৰাৰ লগতে চাকৰি নিয়মীয়াকৰন কৰা, চাকৰি নিয়মীয়াকৰণ নোহোৱালৈকে নিয়মীয়া কৰ্মচাৰীসকলক সমহাৰত বেতন দিয়া, নিয়মীয়া কৰ্মচাৰীসকলে চৰকাৰৰ পৰা পোৱা সকলো সা-সুবিধা প্ৰদানৰ দাবীত কৰ্মবিৰতি পালন কৰে ৷ কৰ্মচাৰীসকলৰ এই কৰ্মবিৰতিৰ ফলত পঞ্চায়ত আৰু গ্ৰামোন্নয়ন বিভাগৰ কামকাজ স্থবিৰ হৈ পৰিছে ।

আনহাতে, নলবাৰীতো পঞ্চায়ত আৰু গ্ৰামোন্নয়ন বিভাগৰ ঠিকাভিত্তিক কৰ্মচাৰীয়ে সাতদিনীয়াকৈ পালন কৰে কৰ্মবিৰতি । পঞ্চায়ত আৰু গ্ৰামোন্নয়ন ঠিকাভিত্তিক কৰ্মচাৰী পৰিষদ,অসমৰ উদ্যোগত ৰূপায়িত এই প্ৰতিবাদী কাৰ্য্যসূচী নলবাৰীৰ জিলা পৰিষদৰ কাৰ্যালয়ত ৰূপায়ণ কৰা হয় । চাকৰি সুনিশ্চিত কৰণৰ লগতে নিয়মীয়াকৰণ,চাকৰি নিয়মীয়াকৰণ নোহোৱালৈকে নিয়মীয়া কৰ্মচাৰী সকলে লাভ কৰা দৰমহাৰ সমহাৰত দৰমহা প্ৰদান আদি বিভিন্ন দাবীৰ সমৰ্থনত কৰ্মচাৰী সকলে ৰূপায়ণ কৰে এই প্ৰতিবাদী কাৰ্যসূচী ।

লগতে পঢ়কঃ ক'লৈ যাব শ্বিলং নে ভূটান? গুৱাহাটীত সহজলভ্য প্ৰি-প্ৰেইড টেক্সী