বৰপেটা, ১৪ এপ্ৰিলঃ আজি পহিলা ব'হাগৰ দিনটোত বৰপেটা সত্ৰত নাই পূৰ্বৰ উচাহ । পূৰ্বে পহিলা ব'হাগৰ দিনটোত অগণন ভক্তৰ সমাগম হোৱাৰ বিপৰীতে, এইবেলি লক ডাউনৰ বাবে বৰপেটা সত্ৰত নাই পূৰ্বৰ জনাসমাগম । পহিলা ব'হাগৰ দিনটোত গুৰু দুজনাৰ চৰণত সেৱা জনাই বছৰটোলৈ সকলোৰে মংগল কামনাৰে, নতুন বছৰটোৰ আৰম্ভণি কৰে বৰপেটা সত্ৰৰ প্ৰতিগৰাকী বাসিন্দাই । কিন্তু দেশত চলি থকা লক ডাউনৰ প্ৰভাৱত এইবাৰ, বৰপেটা সত্ৰত কেৱল নিত্য প্ৰসংগৰ লগতে সেৱায়িত কাৰ্যসমূহহে সম্পাদন কৰি থকা হৈছে । চৰকাৰী নিষেধাজ্ঞাৰ বাবে সত্ৰত ভক্তৰ প্ৰৱেশ নিয়ন্ত্ৰিত কৰা হৈছে ৷ 4 বা 5 গৰাকী ভকতে সত্ৰৰ সেৱায়িত কাৰ্যসমূহ পৰিচালনা কৰি আছে ।
পহিলা ব'হাগৰ দিনটোত নিস্তব্ধ বৰপেটা সত্ৰ