বৰপেটা, ২৫ ডিচেম্বৰ : ২১ ৰ নিৰ্বাচনক লৈ বিজেপিয়ে আৰম্ভ কৰিছে মিছন 100 + লক্ষ্য ৷ বিজেপিয়ে আৰম্ভ কৰা মিছন 100+ লক্ষ্যৰ মাজত আছে অগপকে ধৰি সহযোগী দল সমুহে প্ৰাৰ্থীত্ব দিবলগীয়া সমষ্টি সমুহো ৷
মূলতঃ বিজেপিৰ ৰণনীতি অনুসৰিয়েই ২১ৰ নিৰ্বাচনত প্ৰাৰ্থী ঠিয় কৰাব মিত্ৰজোঁটে ৷ উক্ত ৰণনীতি অনুসৰিয়েই সৰুক্ষেত্ৰীত অগপৰ প্ৰাৰ্থী হিচাপে প্ৰতিদ্বন্দিতা কৰাৰ সম্ভাৱনা প্ৰকট হৈ উঠিছে কিছু দিন পূৰ্বে অগপত যোগ দিয়া ভোজপুৰী কুইন খ্যাত কণ্ঠশিল্পী কল্পনা পাটোৱাৰীৰ ৷ ইতিমধ্যে অতি কৌশলপূৰ্ণভাৱে সৰুক্ষেত্ৰীত উপস্থিত হৈ কল্পনা পাটোৱাৰীয়ে অগপৰ দলীয় নেতৃত্বক লগত লৈ নিৰ্বাচনী তৎপৰতা আৰম্ভ কৰা পৰিলক্ষিত হৈছে ৷
অগপ হৈ সৰুক্ষেত্ৰী সমষ্টিত ৰাজনৈতিক ৰণকৌশল তৈয়াৰ কল্পনা পাটোৱাৰীৰ বৃহস্পতিবাৰে দলীয় নিৰ্দেশ অনুসৰিয়েই সৰুক্ষেত্ৰী সমষ্টিৰ কুৰিহা গাঁৱৰ অগপৰ কেইবা গৰাকীও বিশিষ্ট ব্যক্তিক সাক্ষাৎ কৰি নিৰ্বাচন সমন্ধীয় কিছু আলোচনা কৰাৰ বুলি সদৰি কৰিছে কল্পনা পাটোৱাৰীয়ে ৷ ইফালে, সংবাদ মাধ্যমক সম্বোধন কৰি অগপক অসমৰ এক শক্তিশালী আঞ্চলিক ৰাজনৈতিক দল হিচাপে অভিহিত কৰিছে কল্পনা পাটোৱাৰীয়ে ৷
সৰুক্ষেত্ৰী সমষ্টিত কল্পনা পাটোৱাৰী সমন্তৰালভাৱে ৰাজ্যত নতুনকৈ গঠন হোৱা আঞ্চলিক দল অসম জাতীয় পৰিষদ আৰু ৰাইজৰ দলক লৈয়ো মন্তব্য প্ৰকাশ কৰিছে কল্পনা পাটোৱাৰীয়ে ৷ কল্পনা পাটোৱাৰীয়ে কয়, এইবাৰ আবেগত সিদ্ধান্ত নলয় অসমৰ ৰাইজে ৷
লগতে পঢ়ক:বিজেপিলৈ যাবনে অজন্তা : আজিৰ ভিতৰত উত্তৰ লাগে প্ৰদেশ কংগ্ৰেছক
