জনীয়া, ২২ ফেব্ৰুৱাৰী: ইন্ধনজাত সামগ্ৰীৰ লগতে অত্যাৱশ্যকীয় সামগ্ৰীৰ মূল্যবৃদ্ধিৰ বিৰুদ্ধে বিভিন্ন দল সংগঠনে প্ৰতিবাদ সাব্যস্ত কৰি অহাৰ সময়তে সোমবাৰে বৰপেটা জিলাৰ জনীয়া সমষ্টিৰ ৰূপসী ব্লক কংগ্ৰেছে সাব্যস্ত কৰে প্ৰতিবাদ । ৰাজ্যৰ ভিন্ন প্ৰান্তৰ লগতে অসম প্ৰদেশ কংগ্ৰেছ কমিটিৰ আহ্বান মৰ্মে কলগাছিয়াতো পেট্ৰ'ল, ডিজেলৰ মূল্যবৃদ্ধি হ্ৰাস কৰাৰ দাবীৰে সাব্যস্ত কৰে প্ৰতিবাদ ।
কলগাছিয়াৰ পেট্ৰল পাম্পৰ সন্মুখত কংগ্ৰেছ দলৰ নেতা-কৰ্মীসকলে প্ৰতিবাদী কাৰ্যসূচী গ্ৰহণ কৰে । এই প্ৰতিবাদী কাৰ্যসূচীত ছত্তীশগড় প্ৰদেশ কংগ্ৰেছৰ সাধাৰণ সম্পাদক তথা অসম প্ৰদেশ কংগ্ৰেছৰ বুথৰ প্ৰশিক্ষক ৰাজেন্দ্ৰ শুক্লাই অংশগ্ৰহণ কৰি শাসনাধিষ্ঠ বিজেপি চৰকাৰৰ বিৰুদ্ধে তীব্ৰ ক্ষোভ প্ৰকাশ কৰে ।