জনীয়া,২৬ মাৰ্চ: দেওবাৰে আজমল উচ্চতৰ মাধ্যমিক বিদ্যালয়ত অনুষ্ঠিত কৰা হয় আজমল ছুপাৰ 40 পৰীক্ষা । পিছে এই পৰীক্ষাত লাগিল কেৰোণ । পৰীক্ষা কেন্দ্ৰৰ সন্মুখত অভিভাৱক পৰীক্ষাৰ্থীৰ হাঁহাকাৰময় অৱস্থা (Irregularities in Ajmal Super 40 selection test in Kalgachia) । এডমিট কাৰ্ড থকাৰ পাছতো পৰীক্ষাত বহিবলৈ নিদিয়াত ক্ষোভিত হৈ উঠে অভিভাৱক তথা পৰীক্ষাৰ্থীসকল (Ajmal Super 40 selection test) ।
দেওবাৰে অনুষ্ঠিত হোৱা আজমল ছুপাৰ ফৰ্টি পৰীক্ষাত ব্যাপক অনিয়ম সংঘটিত হোৱা পৰিলক্ষিত হয় । প্ৰাপ্ত অভিযোগ অনুসৰি বৰপেটা আৰু অভয়পুৰীৰ চেণ্টাৰৰ পৰা বহু পৰীক্ষাৰ্থী কলগাছিয়ালৈ আহিছিল । উক্ত চেণ্টাৰ দুটা ৱেবচাইডত নৱীকৰণ হোৱাৰ পিছত এডমিট কাৰ্ড ওলোৱাৰ পাছতো পৰীক্ষাৰ্থীসকলক পৰীক্ষাত বহিবলৈ নিদিলে কলগাছিয়াস্থিত আজমল উচ্চতৰ মাধ্যমিক বিদ্যালয় কৰ্তৃপক্ষই(Ajmal Higher Secondary School) ।
ইয়াৰ পিছতেই পৰীক্ষা কেন্দ্ৰৰ সন্মুখত পৰীক্ষাৰ্থীৰ মাজত এক সৃষ্টি হয় উত্তপ্ত পৰিৱেশৰ । পিছত অধ্যক্ষই বঞ্চিত পৰীক্ষাৰ্থীৰ পৰা এডমিট কাৰ্ড সংগ্ৰহ কৰি লিখিত পৰীক্ষা নিদিয়াকৈ মৌখিক পৰীক্ষা অনুষ্ঠিত হ'ব বুলি এডমিটত চহী আৰু ছীল মাৰি দায়িত্ব সামৰে । ইফালে পৰীক্ষাৰ পৰিৱৰ্তে মৌখিক পৰীক্ষা অনুষ্ঠিত কৰাৰ ঘোষণাৰ পিছতেই অসন্তষ্টি প্ৰকাশ কৰে পৰীক্ষাৰ্থীৰ লগতে অভিভাৱকে ।