বৰপেটা,22 অক্টোবৰ : দুৰৱস্থাই লগ এৰা নাই টেণ্ট হাউচ আৰু শব্দ যন্ত্ৰৰ স্বত্বাধিকাৰীসকলক। লকডাউন খুলি দিয়াৰ পাচতো পূজাৰ বতৰত চকু সেমেকা হৈ পৰিছে পেণ্ডেল আৰু চাউণ্ডৰ ব্যৱসায়ীসকলৰ ৷ পূৰ্বৰ দৰে শাৰদীয় দুৰ্গোৎসৱত কোনো ধৰণৰ অৰ্ডাৰ লাভ নকৰাত এতিয়া ভাত মুঠিৰ বাবে চিন্তিত হৈ পৰিছে এই ব্যৱসায়ীসকল ।
ক’ভিড প্ৰট’কল মানি এইবাৰ পূজা সমিতিসমূহে আয়োজন কৰিছে শাৰদীয় দূৰ্গা পূজা । সেয়েহে পুনৰ বিপদত পৰিছে পেণ্ডেলৰ মালিক আৰু কৰ্মচাৰীসকল ।পূৰ্বৰ দৰে দুৰ্গোৎসৱৰ বাবে পেণ্ডেল নিৰ্মাণৰ অৰ্ডাৰ লাভ নকৰাত এতিয়া পেণ্ডেলৰ সৈতে জড়িত হৈ থকা মালিক-কৰ্মচাৰীসকলৰ মাজত নাজল-নাথল অৱস্থাৰ সৃষ্টি হৈছে ।