বৰপেটা ৰ'ডত বিধ্বংসী অগ্নিকাণ্ড

বৰপেটাৰোড পৌৰসভাৰ সন্মুখত কেইবাদিন ধৰি মজুত কৰি ৰখা বৃহৎ জাৱৰৰ দ'মত সংঘটিত অগ্নিকাণ্ড ৷ হতাহত হোৱা নাই কোনো লোক ৷ অগ্নিনিৰ্বাপক বাহিনী উপস্থিত হৈ নিৰ্বাপিত কৰে জুই

বৰপেটা, 24 এপ্ৰিল : বৰপেটাৰোড পৌৰসভাৰ কাণ্ডজ্ঞানহীনতাৰ বাবে বুধবাৰে নিশা সংঘটিত হয় বিধ্বংসী অগ্নিকাণ্ড ৷ বৰপেটাৰোড পৌৰসভাৰ সন্মুখত কেইবাদিন ধৰি মজুত কৰি ৰখা বৃহৎ জাৱৰৰ দ'মত সংঘটিত হয় এই অগ্নিকাণ্ড ৷ নিশা প্ৰায় চাৰে দহ বজাত সংঘটিত হোৱা অগ্নিকাণ্ডটোত কথমপি ৰক্ষা বৰপেটাৰোড চহৰৰ প্ৰাথমিক চিকিৎসা কেন্দ্ৰৰ কেইবাটাও চৰকাৰী আৱাস গৃহ ৷

অগ্নিকাণ্ড সংঘটিত হোৱাৰ লগে লগে স্বাস্থ্য বিভাগৰ কৰ্মচাৰী আৰু তেওঁলোকৰ পৰিয়ালৰ লোকসকলৰ মাজত অভাৱনীয় পৰিস্থিতিৰ সৃষ্টি হয় ৷ যদিও পাচত বৰপেটাৰোড আৰক্ষী আৰু অগ্নিনিৰ্বাপক বাহিনীৰ তৎপৰতাত ততাতৈয়াকৈ নিৰ্বাপিত কৰা হয় জুই ৷